VD Satheesan Next CM: కేరళ అసెంబ్లీ ఎన్నికల ఫలితాలు వెలువడటంతో ఇప్పుడు అందరి దృష్టి తదుపరి ముఖ్యమంత్రి ఎంపికపైనే ఉంది. ఈ ఎన్నికల్లో కాంగ్రెస్ నేతృత్వంలోని కూటమి స్పష్టమైన మెజారిటీ సాధించడంతో, సీఎంగా ఎవరిని ఎంపిక చేయాలనే దానిపై అధిష్టానం కసరత్తు చేస్తోంది.

Read Also :Tamil Nadu CM Resignation:ముఖ్యమంత్రి పదవికి ఎం.కె. స్టాలిన్ రాజీనామా!

రేసులో ముగ్గురు దిగ్గజాలు

ముఖ్యమంత్రి పదవి కోసం ప్రస్తుతం ముగ్గురు కీలక నేతల పేర్లు బలంగా వినిపిస్తున్నాయి:

• వి.డి. సతీషన్: ప్రతిపక్ష నేతగా పార్టీని విజయతీరాలకు చేర్చడంలో కీలక పాత్ర పోషించిన సతీషన్ వైపు అధిష్టానం మొగ్గు చూపుతున్నట్లు సమాచారం.
• రమేష్ చెన్నితల: సీనియర్ నేతగా తనకున్న అనుభవంతో ఆయన కూడా పీఠంపై ఆశలు పెట్టుకున్నారు.
• కేసీ వేణుగోపాల్: ఏఐసీసీలో కీలక బాధ్యతలు నిర్వహిస్తున్న వేణుగోపాల్‌ను కేరళ రాజకీయాల్లోకి తిరిగి తీసుకురావాలనే ఆలోచనలో ఒక వర్గం ఉంది.

VD Satheesan Next CM: ఎన్నికల ఫలితాల లెక్కలు (2026)

ఈసారి కేరళ ఓటర్లు కాంగ్రెస్‌కు పట్టం కట్టారు. ప్రధాన పార్టీల బలాబలాలు ఇలా ఉన్నాయి:

• కాంగ్రెస్ (INC): 28.79 శాతం ఓట్ల శాతంతో ఏకంగా 63 స్థానాల్లో విజయం సాధించి అతిపెద్ద పార్టీగా అవతరించింది.
• సీపీఎం (CPM): అధికార వ్యతిరేకత ప్రభావంతో ఈసారి కేవలం 26 సీట్లకే (21.77% ఓట్లు) పరిమితమైంది.
• ముస్లిం లీగ్ (IUML): యూడీఎఫ్ మిత్రపక్షమైన ఇండియన్ యూనియన్ ముస్లిం లీగ్ 22 స్థానాల్లో (11.01% ఓట్లు) గెలిచి తన సత్తా చాటింది.