కేసీఆర్ పై యెన్నం స్క్రోలింగ్ పాయింట్స్!

Yennam Srinivas Reddy Press Meet: హైదరాబాద్‌లోని సీఎల్పీ (CLP) కార్యాలయంలో ఉమ్మడి మహబూబ్‌నగర్ జిల్లా కాంగ్రెస్ ప్రజాప్రతినిధులు నిర్వహించిన ప్రెస్ మీట్‌లో ప్రభుత్వ విప్, ఎమ్మెల్యే యెన్నం శ్రీనివాస్ రెడ్డి మాట్లాడిన ముఖ్యమైన అంశాల స్క్రోలింగ్ పాయింట్స్ (Scrolling Points) ఇక్కడ ఉన్నాయి

కేసీఆర్ తన సొంత పార్టీ నేతలను తిట్టడం వల్లే బీఆర్ఎస్ నాయకులు ఇప్పుడు వరుసగా ప్రెస్ మీట్లు పెడుతున్నారు – ప్రభుత్వ విప్ యెన్నం శ్రీనివాస్ రెడ్డి.
“నేను ఇంట్లో పడ్డా.. మీకేం అయింది? ఎందుకు రోడ్ల మీదికి రావడం లేదు?” అని కేసీఆర్ క్లాస్ పీకడంతోనే బీఆర్ఎస్ నేతల్లో చలనం వచ్చింది.
పాలమూరు ప్రాజెక్టును తామే బొందపెట్టి.. ఇప్పుడు అదే ప్రాజెక్టు పేరుతో బీఆర్ఎస్ నాయకులు కొత్త డ్రామాలు ఆడుతున్నారు.
మేము ఇంకా రాజకీయాల్లోనే ఉన్నామని ప్రజలకు చెప్పుకోవడానికే బీఆర్ఎస్ నేతలు పాకులాడుతున్నారు.
కేసీఆర్ మాయమాటలను, మోసాలను మహబూబ్‌నగర్ ప్రజలు ఎప్పటికీ నమ్మలేరు.
కేసీఆర్ వైఫల్యాల వల్లే ఉమ్మడి మహబూబ్‌నగర్ జిల్లాలోని 14 నియోజకవర్గాల్లో 12 చోట్ల కాంగ్రెస్‌ను గెలిపించి ప్రజలు స్పష్టమైన తీర్పు ఇచ్చారు.
కాంగ్రెస్ పార్టీకి కుట్రలు, కుతంత్రాలు తెలియవు.. ఏ నిర్ణయమైనా పారదర్శకంగానే తీసుకుంటాం.
పార్లమెంట్‌లో మోదీ ప్రభుత్వం తీసుకొచ్చిన రైతు వ్యతిరేక, ప్రజా వ్యతిరేక బిల్లులన్నింటికీ మద్దతు ఇచ్చింది బీఆర్ఎస్ కాదా?
తెలంగాణ ఆత్మగౌరవాన్ని, నీళ్లను తన సొంత పదవుల కోసం ఢిల్లీ పెద్దలకు తాకట్టు పెట్టింది కేసీఆరే.
తెలంగాణ హక్కులకు మరియు రాష్ట్ర ప్రయోజనాలకు ఇప్పుడు అసలైన రక్షణ కవచంగా నిలుస్తున్నది కాంగ్రెస్ ప్రభుత్వమే.
బీఆర్ఎస్ హయాంలో కాంట్రాక్టర్ల కోసమే ఐదేళ్లు తిరక్కుండా కూలిపోయే ప్రాజెక్టులు కట్టారు.
రాబోయే 70-80 ఏళ్ల పాటు నిటారుగా, పటిష్టంగా నిలిచే నాణ్యమైన ప్రాజెక్టులను కాంగ్రెస్ నిర్మించి చూపిస్తుంది.
ప్రజా ప్రభుత్వం అధికారంలో ఉంది కాబట్టి పెండింగ్‌లో ఉన్న ప్రతి ప్రాజెక్టును పూర్తి చేసి పాలమూరు ప్రజలకు అంకితం చేస్తాం.
సీఎల్పీ(Yennam Srinivas Reddy Press Meet) ప్రెస్ మీట్‌లో పాల్గొన్న మంత్రులు జూపల్లి కృష్ణారావు, వాకిటి శ్రీహరి, మరియు ఉమ్మడి జిల్లా కాంగ్రెస్ ఎమ్మెల్యేలు.