Weather updates:ఏపీ, తెలంగాణలో వచ్చే నెలలో భారీ వర్షాలు కురిసే అవకాశం ఉందని వాతావరణ నిపుణులు తెలిపారు. గతంలో ఎల్ నినో ప్రభావం వల్ల దేశంలోని చాలా ప్రాంతాలలో వర్షపాతం తగ్గింది.
ముఖ్యంగా పసిఫిక్ మహాసముద్రం నుంచి రావాల్సిన రుతుపవన మేఘాలు చైనా వైపు మళ్లడం కూడా వర్షాలు తగ్గడానికి ప్రధాన కారణమని నిపుణులు స్పష్టం చేశారు. ఇప్పుడు బంగాళాఖాతంలో వరుసగా అల్పపీడనాలు ఏర్పడుతున్నాయి.
Read also: AP heavy rains: ఉత్తరాంధ్ర, రాయలసీమలో భారీ వర్ష సూచన
Heavy rains expected in AP and Telangana next month.
ఖరీఫ్ సీజన్ చివరిలో వర్షాల ప్రభావం
బంగాళాఖాతంలో ఏర్పడే అల్పపీడనాల ప్రభావం కారణంగా తెలుగు రాష్ట్రాలతో పాటు అనేక ఇతర రాష్ట్రాలలో భారీ వర్షాలు పడనున్నాయి. అయితే ఈ వర్షాలు ఖరీఫ్ సాగు చివరి దశలో పడుతుండటంతో రైతులకు పెద్దగా ప్రయోజనం ఉండదని ఆందోళన చెందుతున్నారు. పంట చేతికొచ్చే సమయంలో వాతావరణంలో వస్తున్న ఈ మార్పులు అన్నదాతలను తీవ్ర ఆందోళనకు గురిచేస్తున్నాయి.
Weather updates:వాతావరణ మార్పులపై రైతుల ఆవేదన
సమయానికి వర్షాలు కురవక ఇబ్బంది పడిన రైతులు, ఇప్పుడు సీజన్ ముగిసే సమయానికి భారీ వర్షాలు వస్తుండటంతో నష్టపోతున్నామని వాపోతున్నారు. వాతావరణంలో వస్తున్న ఈ అనూహ్య మార్పులు వ్యవసాయ రంగాన్ని తీవ్రంగా ప్రభావితం చేస్తున్నాయి. ప్రభుత్వం స్పందించి ఆయా ప్రాంతాల రైతులకు తగిన సలహాలు, సూచనలు అందించాలని అందరూ కోరుతున్నారు.
Epaper: epaper.vaartha.com