దేశీయంగా రైతులకు ఎరువుల కొరత రాకుండా కేంద్ర ప్రభుత్వం కట్టుబడి ఉందని కేంద్ర బొగ్గు, గనుల శాఖ మంత్రి జి. కిషన్ రెడ్డి తెలిపారు. ప్రధానమంత్రి నరేంద్ర మోదీ నాయకత్వంలో ప్రస్తుత ఖరీఫ్ సీజన్‌లో తెలంగాణ రాష్ట్రానికి అవసరమైన అన్ని రకాల ఎరువులను సమకూర్చేందుకు కేంద్రం పటిష్టమైన చర్యలు తీసుకుంటోందని ఆయన స్పష్టం చేశారు.

read also: Telangana Rains: నేటి నుండి తెలంగాణలో భారీ వర్షాలు..పలు జిల్లాలకు ఎల్లో, ఆరెంజ్ అలర్ట్ జారీ

దేశీయ ఉత్పత్తి పెంపు – నిరంతర పర్యవేక్షణ

ఎరువుల కొరతను అధిగమించేందుకు స్పాట్ మార్కెట్ల నుండి సహజ వాయువును సేకరించి, దేశీయంగా యూరియా లభ్యతను గణనీయంగా పెంచినట్లు మంత్రి వివరించారు. సకాలంలో దిగుమతులు చేసుకోవడం ద్వారా తెలంగాణతో సహా దేశవ్యాప్తంగా యూరియా, డీఏపీ (DAP), ఎన్‌పికే (NPK) ఎరువుల నిల్వలు పుష్కలంగా ఉన్నాయన్నారు. ప్రస్తుత ఖరీఫ్ 2026 సీజన్‌లో కూడా నిరంతర పర్యవేక్షణ ద్వారా నిల్వలను సమృద్ధిగా నిర్వహిస్తున్నామని, రైతులకు ఎలాంటి ఇబ్బందులు రానివ్వబోమని ప్రకటించారు.

Kishan Reddy: గత రబీ సీజన్ అంచనాలు – వాస్తవ సరఫరా

గత రబీ 2025-26 సీజన్‌లో అంచనా వేసిన అవసరాల కంటే ఎక్కువ ఎరువులను కేంద్రం సరఫరా చేసిందని మంత్రి గుర్తుచేశారు. 10.40 లక్షల మెట్రిక్ టన్నుల యూరియా ప్రాథమిక అవసరానికి గాను, భారత ప్రభుత్వం 12.01 LMT అందుబాటులోకి తీసుకువచ్చింది. 1.45 LMT DAP అవసరానికి గాను కేంద్రం 2.55 LMT సరఫరా చేయగా, 7.00 LMT NPK అవసరానికి గాను 9.47 LMT ఎరువులను అందుబాటులో ఉంచింది. రైతులు ఎటువంటి అంతరాయం లేకుండా, అంచనా వేసిన అవసరం కంటే ఎక్కువ సరఫరా చేసేందుకు కేంద్రం సిద్ధంగా ఉందని మంత్రి కిషన్ రెడ్డి ప్రకటించారు.

పూర్తి సామర్థ్యంతో రామగుండం ఆర్‌ఎఫ్‌సీఎల్ (RFCL)

గత రబీ సీజన్‌లో రామగుండం ఫెర్టిలైజర్స్, కెమికల్స్ లిమిటెడ్ (RFCL) ప్లాంట్‌లో తలెత్తిన సాంకేతిక సమస్యలను కేంద్ర ప్రభుత్వం పరిష్కరించిందని కిషన్ రెడ్డి వెల్లడించారు. ప్రస్తుతం ఈ ప్లాంట్ తన పూర్తి ఉత్పత్తి సామర్థ్యంతో నడుస్తోందని, దీనివల్ల తెలంగాణ రైతులకు ఎరువుల సరఫరా మరింత వేగంగా, సకాలంలో అందుతుందని ఆయన పేర్కొన్నారు.

పంపిణీ బాధ్యత రాష్ట్ర ప్రభుత్వానిదే!

కేంద్ర ప్రభుత్వం నుంచి ఎరువుల కేటాయింపులు సజావుగా జరుగుతున్నప్పటికీ, వాటిని క్షేత్రస్థాయిలో రైతులకు చేర్చాల్సిన అసలు బాధ్యత రాష్ట్ర ప్రభుత్వంపైనే ఉందని మంత్రి స్పష్టం చేశారు.

• జిల్లాలవారీగా ఎరువులను సమానంగా, పారదర్శకంగా పంపిణీ చేయాలి.
• సబ్సిడీపై ఇచ్చే ఎరువులను వ్యవసాయేతర అవసరాలకు మళ్లించకుండా గట్టి నిఘా పెట్టాలి.
• అక్రమ నిల్వలు, బ్లాక్ మార్కెటింగ్‌కు పాల్పడే వారిపై ఉక్కుపాదం మోపి, ప్రతి నిజాయితీ గల రైతుకు సకాలంలో ఎరువులు అందేలా చూడాలి.

Read hindi news : hindi.vaartha.com

Epaper : epaper.vaartha.com

అయోధ్య రామ జన్మభూమి విరాళాల్లో రూ.200 కోట్ల అవినీతి: ఎంపీ చామల ఆరోపణ