Chhatarpur Crime: మధ్యప్రదేశ్‌ (Madhya Pradesh) లోని ఛతర్‌పూర్ జిల్లాలో అత్యంత విషాదకరమైన, ఉత్కంఠభరితమైన ఘటన ఒకటి వెలుగులోకి వచ్చింది. కన్న కొడుకును ప్రాణాపాయం నుండి కాపాడుకునే క్రమంలో ఒక తల్లి తీసుకున్న నిర్ణయం..

భర్త ప్రాణాలు తీసేందుకు కారణమైంది. మద్యం మత్తులో ఉన్న భర్తపై భార్య కర్రతో దాడి చేయడంతో అతడు అక్కడికక్కడే మరణించాడు.

Read Also :Mohali Office Murder Case:ఆఫీస్ ఉద్యోగుల కళ్లెదుటే యువతి దారుణ హత్య.. బ్రేకప్ తట్టుకోలేక మాజీ ప్రియుడి ఉన్మాదం!

కొడుకును కాపాడే ప్రయత్నంలో

Wife Kills Husband Chhatarpur

పోలీసుల సమాచారం ప్రకారం.. ఛతర్‌పూర్ జిల్లాకు చెందిన దీన్‌దయాల్ కుష్వాహా అనే వ్యక్తి తీవ్రంగా మద్యం సేవించి ఇంటికి వచ్చాడు. ఆ మత్తులో తన సొంత కుమారుడిని అత్యంత క్రూరంగా తలకిందులుగా వేలాడదీశాడు. భర్త చేస్తున్న ఉన్మాద చర్యను చూసి అతడి భార్య నీలమ్ కుష్వాహా తీవ్ర ఆగ్రహం, ఆందోళనకు గురైంది. తన బిడ్డను భర్త బారి నుండి ఎలాగైనా కాపాడుకోవాలని ప్రయత్నించింది. ఈ క్రమంలో పక్కనే ఉన్న ఒక కర్రను తీసుకుని దీన్‌దయాల్‌పై గట్టిగా దాడి చేసింది. నీలమ్ కొట్టిన దెబ్బలు బలంగా తగలడంతో తీవ్రంగా గాయపడిన దీన్‌దయాల్ రక్తపు మడుగులో పడి అక్కడికక్కడే ప్రాణాలు కోల్పోయాడు.

Chhatarpur Crime: శవం వద్దే 8 గంటలు.. ఆపై పోలీసులకు లొంగిబాటు

భర్త చనిపోయాడనే నిజాన్ని నమలలేక, భయంతో ఏం చేయాలో తోచని స్థితిలో నీలమ్ సుమారు 8 గంటల పాటు భర్త మృతదేహం వద్దే కూర్చుని గడిపింది. ఆ తర్వాత మానసికంగా సిద్ధపడి, ఇంటి నుంచి బయటకు వచ్చి నేరుగా ఒక ఆలయానికి వెళ్ళింది. అక్కడ దేవుడికి ప్రత్యేక ప్రార్థనలు చేసిన అనంతరం, ఆమె నేరుగా స్థానిక పోలీస్ స్టేషన్‌కు చేరుకుని తానే ఈ హత్యానేరం చేసినట్లు ఒప్పుకుని పోలీసుల ముందు లొంగిపోయింది.

అన్ని కోణాల్లో పోలీసుల దర్యాప్తు

మహిళ స్వయంగా వచ్చి లొంగిపోవడంతో అప్రమత్తమైన పోలీసులు ఘటనా స్థలానికి చేరుకుని దీన్‌దయాల్ మృతదేహాన్ని స్వాధీనం చేసుకున్నారు. పోస్ట్‌మార్టం నిమిత్తం ఆసుపత్రికి తరలించారు. నీలమ్ కుష్వాహాపై సంబంధిత సెక్షన్ల కింద కేసు నమోదు చేసిన పోలీసులు.. కేవలం కొడుకును కాపాడే క్రమంలోనే ఈ దారుణం జరిగిందా? లేక వీరి మధ్య ఏవైనా పాత కక్షలు ఉన్నాయా? అనే అన్ని కోణాల్లోనూ క్షుణ్ణంగా దర్యాప్తు జరుపుతున్నారు.