Kohinoor Diamond: ప్రపంచ ప్రసిద్ధి చెందిన 'కోహినూర్' వజ్రాన్ని తిరిగి భారతదేశానికి అప్పగించాలనే డిమాండ్ అంతర్జాతీయ స్థాయిలో మరోసారి తెరపైకి వచ్చింది.

న్యూయార్క్ నగర మేయర్ జోహ్రాన్ మామ్దానీ, బ్రిటన్ రాజు కింగ్ చార్లెస్ IIIకు ఈ మేరకు విజ్ఞప్తి చేయనున్నట్లు ప్రకటించడం ఇప్పుడు ప్రపంచవ్యాప్తంగా సంచలనం సృష్టిస్తోంది.

Read Also: Russiah-India: త్వరలో రష్యా నుంచి భారత్ నాలుగో ఎస్-400 క్షిపణి వ్యవస్థను అందుకోనున్నది!

Mamdani appeals to Charles to return Kohinoor diamond to India

అంతర్జాతీయ వేదికపై కోహినూర్ చర్చ

9/11 స్మారక చిహ్నం వద్ద బ్రిటన్ రాజును కలిసే ముందు మేయర్ మామ్దానీ చేసిన వ్యాఖ్యలు, దశాబ్దాల నాటి ఈ చారిత్రక వివాదాన్ని మళ్ళీ చర్చనీయాంశంగా మార్చాయి. రాజుతో ఏకాంతంగా మాట్లాడే అవకాశం వస్తే మాత్రం ఖచ్చితంగా వజ్రాన్ని భారత్‌కు తిరిగి ఇచ్చేయాలని తాను గౌరవపూర్వకంగా కోరుతానని ఆయన బహిరంగంగానే వెల్లడించారు. కింగ్ చార్లెస్, క్వీన్ కెమిల్లాలతో జరిగిన భేటీలో ఈ ప్రస్తావన అధికారిక అజెండాలో లేనప్పటికీ, ఆ కొద్ది క్షణాల సంభాషణలో కోహినూర్ ప్రస్తావన వచ్చిందా లేదా అన్నది మాత్రం ఇంకా స్పష్టం కాలేదు.

Kohinoor Diamond: చారిత్రక నేపథ్యం

కోహినూర్ వజ్రానికి వందల ఏళ్ల సుదీర్ఘ చరిత్ర ఉంది. మొఘలులు, పర్షియన్లు, ఆఫ్ఘన్లు, సిక్కు పాలకుల చేతులు మారుతూ వచ్చిన ఈ అమూల్యమైన రత్నం, 1849లో బ్రిటీష్ ఈస్ట్ ఇండియా కంపెనీ వశమైంది. లాహోర్ ఒప్పందం ద్వారా అప్పటి యువ పాలకుడు మహారాజా దులీప్ సింగ్ నుంచి బ్రిటీషర్లు దీనిని బలవంతంగా సొంతం చేసుకున్నారు. ప్రస్తుతం ఈ వజ్రం లండన్ టవర్‌లో బ్రిటీష్ రాజ కుటుంబపు ఆభరణాలలో ప్రదర్శనలో ఉంది.

భారత్ డిమాండ్ – బ్రిటన్ వాదన

వలస పాలనలో అన్యాయంగా తరలించిన తమ వజ్రాన్ని వెంటనే వెనక్కి ఇచ్చేయాలని భారతదేశం పదేపదే డిమాండ్ చేస్తోంది. భారతీయుల దృష్టిలో కోహినూర్ అనేది చారిత్రక అన్యాయానికి ఒక సజీవ సాక్ష్యం. అయితే, 19వ శతాబ్దంలో కుదుర్చుకున్న లాహోర్ ఒప్పందం ద్వారా చట్టబద్ధంగానే తాము ఈ వజ్రాన్ని పొందామని, దానిపై పూర్తి హక్కులు తమవేనని బ్రిటన్ వాదిస్తూ వస్తోంది. భారతీయ మూలాలున్న మేయర్ మామ్దానీ తాజాగా చేసిన వ్యాఖ్యలతో ఈ చారిత్రక వివాదం ఇప్పుడు అంతర్జాతీయ స్థాయిలో మళ్లీ రాజుకుంది.