ఇందులో భాగంగా కోకాపేటలో ప్రత్యేక గ్రీన్ వాటర్ ఫిల్లింగ్ స్టేషన్ ఏర్పాటు చేసే సాధ్యాసాధ్యాలను పరిశీలిస్తోంది.

Water tanker demand: గ్రేటర్ లో రోజుకు 7000 ట్యాంకర్లు బుకింగ్స్‌

కోకాపేటలో పర్యటించిన జలమండలి ఎండీ

గ్రీన్ వాటర్ ఫిల్లింగ్ స్టేషన్ ఏర్పాటుకు అనువైన పరిస్థితులను పరిశీలించేందుకు జలమండలి మేనేజింగ్ డైరెక్టర్ కె. అశోక్‌రెడ్డి గురువారం కోకాపేటలో పర్యటించారు. అక్కడి నీటి నాణ్యత పరీక్షల ప్రయోగశాలను సందర్శించి, పరీక్షల నిర్వహణ, పాటిస్తున్న ప్రమాణాలు, ఫలితాల నమోదు ప్రక్రియపై అధికారులను అడిగి తెలుసుకున్నారు. శుద్ధి చేసిన నీటిని ఇతర అవసరాలకు సరఫరా చేయాలంటే నాణ్యతపై నిరంతర పర్యవేక్షణ ఉండాలని ఎండీ స్పష్టం చేశారు. నిర్దేశించిన ప్రమాణాలకు అనుగుణంగా క్రమం తప్పకుండా నీటి పరీక్షలు నిర్వహించాలని అధికారులను ఆదేశించారు. ఈ ప్రక్రియలో జలమండలి అధికారులతో పాటు తెలంగాణ కాలుష్య నియంత్రణ మండలి (టీజీఎస్‌పీసీబీ) అధికారులు సమన్వయంతో పనిచేయాలని సూచించారు.

ఆన్‌లైన్‌లో నీటి పరీక్షల ఫలితాలు

గ్రీన్ వాటర్ నాణ్యతను పర్యవేక్షించేందుకు పరీక్షల ఫలితాలను ఆన్‌లైన్‌లో నమోదు చేసే విధానాన్ని అమలు చేయాలని అధికారులు భావిస్తున్నారు. దీంతో జలమండలి ప్రధాన కార్యాలయం నుంచే నీటి నాణ్యతను ప్రత్యక్షంగా పర్యవేక్షించేందుకు అవకాశం ఉంటుంది. గ్రీన్ వాటర్ సరఫరాలో నాణ్యతా ప్రమాణాలు పాటించేలా ఈ వ్యవస్థ ఉపయోగపడనుంది.

ట్యాంకర్లకు సరిపడా నీరు.. అదనపు నీరు చెరువులకు

ఫిల్లింగ్ స్టేషన్‌కు వచ్చే ట్యాంకర్ల సామర్థ్యానికి అనుగుణంగా నీటిని నింపేలా ఏర్పాట్లు చేయనున్నారు. అదనంగా మిగిలే నీరు వృథా కాకుండా చెరువులకు మళ్లించే అవకాశాలను కూడా పరిశీలిస్తున్నారు. నీటి వినియోగాన్ని సమర్థంగా నిర్వహించడంతో పాటు శుద్ధి చేసిన నీటిని ఉపయోగకరమైన అవసరాలకు మళ్లించడం ఈ ప్రణాళిక లక్ష్యంగా ఉంది.

Hyderabad Green Water: ఏయే పనులకు గ్రీన్ వాటర్ వినియోగం?

గ్రీన్ వాటర్ సరఫరా వ్యవస్థ అందుబాటులోకి వస్తే శుద్ధి చేసిన నీటిని పలు అవసరాలకు వినియోగించవచ్చు. ముఖ్యంగా:

• భవన నిర్మాణాలు, ఇతర నిర్మాణ పనులు
• పరిశ్రమల్లో అవసరమైన పనులు
• రోడ్ల శుభ్రత
• దుమ్ము నియంత్రణ
• పార్కులు, పచ్చదనం నిర్వహణ

ఈ అవసరాలకు తాగునీటికి బదులుగా శుద్ధి చేసిన నీటిని ఉపయోగించడం ద్వారా తాగునీటి వనరులపై ఒత్తిడి తగ్గించవచ్చని జలమండలి భావిస్తోంది. కోకాపేటలో ఫిల్లింగ్ స్టేషన్ ఏర్పాటుపై పరిశీలన పూర్తయిన తర్వాత ప్రణాళిక అమలుపై స్పష్టత వచ్చే అవకాశం ఉంది.

Epaper: epaper.vaartha.com

హైడ్రాపై ప్రత్యేక గీతం.. పుట్టినరోజున ఆవిష్కరించిన కమిషనర్