ఇప్పటి వరకు ఈ వ్యవహారంపై మౌనంగా ఉన్న పలువురు మంత్రులు, సీనియర్ నాయకులు ఇప్పుడు వరుసగా స్పందిస్తున్నారు. తాజాగా మంత్రి అడ్లూరి లక్ష్మణ్ ఈ వివాదంపై ఘాటుగా స్పందిస్తూ, కొండా సురేఖ బేషరతుగా క్షమాపణ చెప్పాలని డిమాండ్ చేశారు. సీఎం రేవంత్ రెడ్డిని మెజార్టీ ఎమ్మెల్యేలు తమ నాయకుడిగా ఎన్నుకున్నారనే విషయాన్ని ప్రతీ ఒక్కరూ గుర్తుంచుకోవాలని ఆయన హితవు పలికారు.

వ్యక్తిగత విమర్శలు తగవు: పార్టీ క్రమశిక్షణపై అడ్లూరి వ్యాఖ్యలు

రాజకీయాల్లో నాయకులపై లేదా ప్రభుత్వంపై ఉన్న అసంతృప్తిని అంతర్గత వేదికలపై చర్చించాలి తప్ప, ఇలా బహిరంగంగా వ్యక్తిగత విమర్శలు చేయడం సరికాదని అడ్లూరి లక్ష్మణ్ స్పష్టం చేశారు. పార్టీ క్రమశిక్షణను ఉల్లంఘిస్తూ సొంత ప్రభుత్వంపైనే దాడి చేయడం వల్ల పార్టీ ప్రతిష్ట దిగజారుతుందని ఆయన హెచ్చరించారు. కొండా సురేఖ తన కుటుంబ సభ్యుల వ్యాఖ్యలకు బాధ్యత వహిస్తూ బహిరంగంగా క్షమాపణలు చెప్పినప్పుడే ఈ వివాదానికి ముగింపు లభిస్తుందని అభిప్రాయపడ్డారు. ఈ వ్యవహారం కాంగ్రెస్ అధిష్ఠానం దృష్టికి కూడా వెళ్లడంతో రాబోయే రోజుల్లో ఎలాంటి చర్యలు ఉంటాయోనని పార్టీ వర్గాల్లో చర్చ నడుస్తోంది.

తెలంగాణ పలు ప్రాంతాల్లో వర్షాలు..!