పార్టీ విధానాలకు విరుద్ధంగా వ్యవహరించే వారిపై కఠిన చర్యలు తీసుకుంటామని ఆయన హెచ్చరించారు. పార్టీలో ప్రతి ఒక్కరూ నియమ నిబంధనలకు కట్టుబడి ఉండాలని సూచించారు.

Telangana Congress

నేతల వ్యాఖ్యలపై తీవ్ర ఆగ్రహం – షోకాజ్ నోటీసులు

ముఖ్యమంత్రి రేవంత్ రెడ్డిపై కొండా సుస్మిత (మంత్రి కొండా సురేఖ కుమార్తె) చేసిన వ్యాఖ్యలతో పాటు, కాంగ్రెస్ ఎమ్మెల్యేపై సీనియర్ నేత చిన్నారెడ్డి వ్యవహరించిన తీరుపై మహేశ్ కుమార్ గౌడ్ తీవ్ర ఆగ్రహం వ్యక్తం చేశారు. ఈ వివాదానికి సంబంధించి కొండా సుస్మిత వ్యవహారంలో ఇప్పటికే ఆమె తల్లి, మంత్రి కొండా సురేఖకు షోకాజ్ నోటీసులు జారీ చేసి వివరణ కోరినట్లు ఆయన తెలిపారు. వారు అందించే వివరణ ఆధారంగా క్రమశిక్షణా కమిటీ సిఫారసుల మేరకు తగిన చర్యలు ఉంటాయని చెప్పారు.

Mahesh Kumar Goud: సీట్ల కేటాయింపుపై స్పష్టమైన నియమావళి

ఎవరికి వారు తమకు తామే అభ్యర్థులుగా ప్రకటించుకోవడం సరికాదని ఆయన చురకలంటించారు. కాంగ్రెస్ పార్టీలో సీట్ల కేటాయింపు ప్రక్రియ కోసం ప్రత్యేకంగా స్పష్టమైన నియమావళి, ఎన్నికల కమిటీలు ఉంటాయని గుర్తు చేశారు. పార్టీలో ఉన్న ప్రతి నాయకుడు అధిష్టానం మరియు పార్టీ నిర్ణయాలకే కట్టుబడి పనిచేయాలని ఆయన గట్టిగా చెప్పారు.

22ఏ భూముల వ్యవహారంపై స్పందన

ఇక 22ఏ భూముల వివాదం గురించి మాట్లాడుతూ.. కింది స్థాయిలో జరిగిన చిన్నపాటి పొరపాటును ప్రతిపక్షాలు కావాలనే రాజకీయం చేస్తూ ప్రభుత్వంపై బురద జల్లుతున్నాయని ఆయన మండిపడ్డారు. ఈ విషయం తమ ప్రభుత్వం దృష్టికి రాగానే వెంటనే స్పందించి, సరిదిద్దాలని ముఖ్యమంత్రి రేవంత్ రెడ్డి మరియు మంత్రి పొంగులేటి శ్రీనివాస్ రెడ్డి అధికారులను ఆదేశించినట్లు తెలిపారు.

Epaper: epaper.vaartha.com

తెలంగాణలో మరో కొత్త గ్రీన్‌ఫీల్డ్ హైవే.. వివరాలు వెల్లడించిన మంత్రి