AP New Pensions: ఆంధ్రప్రదేశ్లో స్థానిక సంస్థల ఎన్నికలు సమీపిస్తున్న తరుణంలో, అర్హులైన పేదలకు కొత్త పెన్షన్లు మంజూరు చేసేందుకు ప్రభుత్వం సన్నాహాలు ప్రారంభించింది.
ఈ మేరకు రాష్ట్రవ్యాప్తంగా ఉన్న స్వర్ణ గ్రామం, స్వర్ణ వార్డు సచివాలయాల కేంద్రాల్లో కొత్త దరఖాస్తులను స్వీకరిస్తున్నారు. అయితే, దరఖాస్తు ప్రక్రియలో భాగంగా విధించిన పలు నిబంధనలలో ఒకటైన ‘ఇంటి పన్ను అసెస్మెంట్ నంబర్’ సమర్పించాలనే షరతుపై దరఖాస్తుదారుల నుంచి తీవ్ర అభ్యంతరాలు వ్యక్తం కావడం వల్ల ప్రభుత్వం తక్షణమే స్పందించి దానికి మినహాయింపు ఇచ్చింది.
Read Also: Tirumala: తిరుమలలో పెరిగిన రద్దీ.. సర్వదర్శనానికి 24 గంటల సమయం
Relaxation in new pension rules… to be implemented from tomorrow.
AP New Pensions: లబ్ధిదారుల ఆందోళన - ప్రభుత్వ సడలింపు
పట్టణ ప్రాంతాల్లో కొత్త పెన్షన్ల కోసం దరఖాస్తు చేసుకునే లబ్ధిదారులు తమ ఇంటి పన్ను అసెస్మెంట్ పూర్తయినట్లు ఆధారాలు సమర్పించాలని, అసెస్మెంట్ నంబర్ ఇస్తేనే అప్లికేషన్ ఆమోదిస్తామని మొదట నిబంధన విధించారు. దీనివల్ల ఇతర అన్ని అర్హతలు ఉన్నప్పటికీ, అసెస్మెంట్ నంబర్ లేని అనేకమంది పేద కుటుంబాలు దరఖాస్తు చేయలేక ఆందోళనకు గురయ్యాయి. ప్రజా సమస్యను గుర్తించిన ప్రభుత్వం, ఇకపై పట్టణాల్లో కొత్త పెన్షన్ల మంజూరుకు ఇంటి పన్ను అసెస్మెంట్ నంబర్ ఇవ్వడం తప్పనిసరి కాదని స్పష్టం చేసింది.
బుధవారం నుంచి పోర్టల్లో మార్పులు
ఈ నూతన మినహాయింపుతో అసెస్మెంట్ నంబర్ లేకపోయినా అర్హులైన లబ్ధిదారులు తమ దరఖాస్తులను సమర్పించవచ్చు. ఈ మేరకు అన్ని స్వర్ణ వార్డు సచివాలయాలకు ప్రభుత్వం ఇప్పటికే ఆదేశాలు జారీ చేసింది. అలాగే స్వర్ణ గ్రామం – స్వర్ణ వార్డుల శాఖ అధికారిక వెబ్సైట్లో కూడా అవసరమైన మార్పులు చేపడుతున్నట్లు అధికారులు వెల్లడించారు. ఈ సడలింపులు బుధవారం నుంచి పూర్తిస్థాయిలో అమల్లోకి వస్తాయని తెలిపింది. గత వైఎస్సార్సీపీ ప్రభుత్వ హయాంలో ఉన్న ఈ క్లిష్టమైన నిబంధన నుంచి సడలింపు లభించడంతో పట్టణ దరఖాస్తుదారులు హర్షం వ్యక్తం చేస్తున్నారు.
Epaper: epaper.vaartha.com