Kukatpally Tree falls on car:హైదరాబాద్ కూకట్పల్లి వివేకానంద నగర్ ఏరియాలో ఈరోజు ఒక షాకింగ్ ఘటన జరిగింది. రోడ్డుపై వెళ్తున్న ఒక ఎస్యూవీ వాహనంపై పెద్ద చెట్టు అకస్మాత్తుగా విరిగిపడింది.
ఈ సమయంలో కారులో ఉన్న వారు ఎలాంటి గాయాలు లేకుండా సురక్షితంగా బయటపడటంతో అంతా ఊపిరి పీల్చుకున్నారు. కారు పైన చెట్టు పడటంతో వాహనం బాగా దెబ్బతిన్నప్పటికీ, అందులో ఉన్న వారి ప్రాణాలకు ఏమీ కాలేదు.
Tree falls on car in Kukatpally
రంగంలోకి దిగిన రెస్క్యూ టీమ్స్
సమాచారం అందుకున్న వెంటనే పోలీసులు, ఎన్డిఆర్ఎఫ్ బృందాలు వేగంగా సంఘటనా స్థలానికి చేరుకున్నాయి. చెట్టు వల్ల ఆ రోడ్డుపై ట్రాఫిక్ పూర్తిగా నిలిచిపోయింది. అధికారులు వెంటనే కట్టర్లతో చెట్టును ముక్కలుగా కోసి, రోడ్డుపై నుంచి పక్కకు తొలగించారు. ఈ ప్రయత్నాల వల్ల మళ్ళీ వాహనాల రాకపోకలు మొదలయ్యాయి. స్థానికులు కూడా ఈ సహాయక చర్యల్లో పాలుపంచుకుని అధికారులకు సహకరించారు.
kukatpally Tree falls on car:అధికారుల కీలక సూచనలు
వర్షాకాలం లేదా గాలివానలు వచ్చినప్పుడు పాత చెట్లు కూలే అవకాశం ఎక్కువగా ఉందని నిపుణులు హెచ్చరిస్తున్నారు. భారీ వృక్షాలు ఉన్న ప్రాంతాల్లో డ్రైవింగ్ చేసేటప్పుడు అప్రమత్తంగా ఉండాలని అధికారులు సూచిస్తున్నారు. ఏవైనా బలహీనమైన చెట్లు కనిపిస్తే వెంటనే జిహెచ్ఎంసి అధికారులకు సమాచారం అందించాలని కోరారు. ఇటువంటి ప్రమాదాలు మళ్ళీ జరగకుండా ముందస్తు చర్యలు తీసుకోవాలని స్థానికులు కోరుతున్నారు.
Epaper: epaper.vaartha.com