Air Force Aircraft : నైజీరియా దేశంలో అత్యంత విషాదకర ఘటన చోటుచేసుకుంది. ఆ దేశ వైమానిక దళానికి (Air Force) చెందిన ఒక విమానం గాల్లో ఉండగానే సాంకేతిక లోపంతో కుప్పకూలిపోయింది.
ఈ భయంకర ప్రమాదంలో విమానంలో ప్రయాణిస్తున్న మొత్తం 32 మంది అక్కడికక్కడే ప్రాణాలు కోల్పోయారు. వీరిలో 25 మంది ప్రయాణికులు ఉండగా, ఏడుగురు విమాన సిబ్బంది ఉన్నారు. సమాచారం ప్రకారం.. ఈ విమానం బెనిన్ సిటీ (Benin City) నుంచి లాగోస్ (Lagos) వైపు ప్రయాణిస్తుండగా, మార్గమధ్యలోని ‘ఇగ్బోకోడా’ (Igbokoda) ప్రాంతంలో ఒక్కసారిగా నియంత్రణ కోల్పోయి భూమిని బలంగా ఢీకొట్టింది. ప్రమాదం జరిగిన తీవ్రతకు విమానం పూర్తిగా ధ్వంసమవ్వడంతో ప్రయాణికులెవరూ సజీవంగా బయటపడలేకపోయారని స్థానిక వర్గాలు వెల్లడించాయి.
ప్రమాదానికి గల కారణాలపై తీవ్ర దర్యాప్తు.. దేశాధ్యక్షుడి దిగ్భ్రాంతి!
ఈ హృదయవిదారక ఉదంతంపై నైజీరియా దేశాధ్యక్షుడు బోలా టినుబు (Bola Tinubu) తీవ్ర దిగ్భ్రాంతి వ్యక్తం చేశారు. మృతుల కుటుంబాలకు ఆయన తన సానుభూతిని తెలియజేస్తూ, ఘటన వెనుక ఉన్న అసలు కారణాలను వెలికితీసేందుకు ఉన్నత స్థాయి దర్యాప్తునకు ఆదేశించినట్లు ప్రకటించారు. వాతావరణ సమస్యల వల్ల ఈ ప్రమాదం జరిగిందా లేదా సాంకేతిక లోపమేమైనా ఉందా అనే కోణంలో వైమానిక దళ నిపుణులు పరిశీలిస్తున్నారు. భవిష్యత్తులో మిలిటరీ మరియు ఎయిర్ ఫోర్స్ సర్వీసుల్లో ఇలాంటి ప్రాణాంతక ఘటనలు పునరావృతం కాకుండా భద్రతా ప్రమాణాలను మరింత కఠినతరం చేస్తామని, తగిన చర్యలు తీసుకుంటామని నైజీరియా ప్రభుత్వం హామీ ఇచ్చింది.