ముఖం, కళ్లపై తీవ్రమైన గాయాలు కావడంతో ఆ చిన్నారి ఆసుపత్రి పాలయ్యాడు. వృందావన్ యోజనలోని ‘ఏఎల్ఎస్ అకాడమీ’ (ALS Academy) లో బుధవారం జరిగిన ఈ ఘటనకు సంబంధించిన సీసీటీవీ దృశ్యాలు ప్రస్తుతం బయటకు వచ్చి తీవ్ర ఆగ్రహాన్ని కలిగిస్తున్నాయి.

Read Also:Eluru Crime: దారుణం.. ఐదో తరగతి బాలికపై వృద్ధుడి లైంగిక దాడి!

టీచర్ వెళ్లగానే క్లాస్ రూమ్‌లో నరకం

లక్నో పిజిఐ పోలీస్ స్టేషన్ పరిధిలోని ఏఎల్ఎస్ అకాడమీలో బుధవారం ఉదయం ఈ దారుణం జరిగింది. తరగతి గదిలో 18 మంది విద్యార్థులు ఉండగా.. ఉపాధ్యాయురాలు అందరినీ డెస్క్‌లపై తలలు దించుకుని పడుకోవాలని ఆదేశించింది. క్లాస్ మానిటర్‌గా ఉన్న ఒక బాలికకు వారిని చూసుకోవాలని బాధ్యత అప్పగించి క్లాస్ రూమ్ నుండి బయటకు వెళ్ళిపోయింది. టీచర్ వెళ్లిన వెంటనే కొంతమంది పిల్లలు తల పైకెత్తగా ఆ మానిటర్ వారిపై విరుచుకుపడింది. ఈ క్రమంలోనే 5 ఏళ్ల నర్సరీ విద్యార్థి తల పైకెత్తడంతో ఆగ్రహించిన మానిటర్, అతని డెస్క్ వద్దకు వెళ్లి చెంపలపై బలంగా కొట్టింది. ఆ చిన్నారి నొప్పితో ఏడుస్తూ తల దించుకోకపోవడంతో.. జుట్టు పట్టి లాగి, వీపుపై గుద్దుతూ దారుణంగా హింసించింది. భయపడిపోయిన ఆ చిన్నారి గది నుండి బయటకు పారిపోవడానికి ప్రయత్నించగా.. ఆ బాలిక అతనిని బలవంతంగా లోపలికి లాగి, తరగతి గది తలుపులకు గడియపెట్టింది. అనంతరం సీట్లోకి లాక్కెళ్లి నిరంతరాయంగా దాడి చేస్తూనే ఉంది. దాదాపు 12 నిమిషాల పాటు ఈ దాడి జరుగుతున్నా క్లాస్ రూమ్ లోని ఇతర విద్యార్థులు భయంతో డెస్కులపై తలలు దించుకుని అలాగే ఉండిపోయారు.