Love Marriage : హరియాణాలోని హిసార్ జిల్లా పరిధిలోని ఆర్యనగర్ గ్రామంలో స్థానిక పెద్దలు మరియు నివాసితులు సంచలనాత్మక నిర్ణయం తీసుకున్నారు. గ్రామంలో సామాజిక ఐక్యత మరియు సాంప్రదాయ విలువలను కాపాడాలనే సాకుతో ప్రేమ వివాహాలను పూర్తిగా నిషేధిస్తున్నట్లు బహిరంగంగా ప్రకటించారు.
ఇటీవల గ్రామంలో వరుసగా మూడు నాలుగు ప్రేమ పెళ్లిళ్లు జరగడం వల్ల కుటుంబాల నడుమ విభేదాలు తలెత్తి, సామాజిక సామరస్యానికి విఘాతం కలుగుతోందని గ్రామస్థులు ఆందోళన వ్యక్తం చేశారు. ఈ క్రమంలోనే ఆర్యనగర్ నమూనాను అమలు చేస్తూ, నిబంధనలను ఉల్లంఘించి ప్రేమ పెళ్లిళ్లు చేసుకునే జంటలను గ్రామంలోనికి అడుగుపెట్టనివ్వబోమని స్పష్టం చేశారు.
Love marriageఇంటింటి సర్వేకు సంసిద్ధత: పెద్దలపై చర్యలు ఉండబోవని స్పష్టత
ఈ నిర్ణయాన్ని మరింత పటిష్టంగా అమలు చేసేందుకు గ్రామ ప్రతినిధులు ప్రత్యేక కార్యాచరణను రూపొందిస్తున్నారు. ఊరిలోని ప్రతి ఇంటికీ వెళ్లి ప్రేమ వివాహాల నిషేధంపై ప్రజల అభిప్రాయాలను నమోదు చేసుకునేందుకు సర్వే నిర్వహించనున్నట్లు తెలిపారు. కాగా, యువత తీసుకునే వ్యక్తిగత నిర్ణయాలకు వారి తల్లిదండ్రులను బాధ్యులను చేయకూడదని, వారిపై ఎలాంటి నిందలు మోపకూడదని గ్రామస్థులు ఏకగ్రీవంగా అంగీకరించారు. ఆధునిక సమాజంలో రాజ్యాంగం కల్పించిన వ్యక్తిగత స్వేచ్ఛకు, గ్రామ పెద్దల సాంప్రదాయక నియమాలకు నడుమ ఈ వివాదం తీవ్ర చర్చనీయాంశంగా మారింది.