Petrol Diesel Price Hike: దేశవ్యాప్తంగా సామాన్యులపై చమురు భారం పడింది. గత కొంతకాలంగా స్థిరంగా ఉన్న ఇంధన ధరలను చమురు మార్కెటింగ్ కంపెనీలు (OMCs) ఒక్కసారిగా పెంచాయి.

అంతర్జాతీయ మార్కెట్ పరిస్థితుల నేపథ్యంలో శుక్రవారం (నేడు) నుండే లీటర్ పెట్రోల్ మరియు డీజిల్ ధరలను సుమారు రూ.3 మేర పెంచుతున్నట్లు ప్రకటించాయి.

Read Also:Pakistan Fatah-4 missile : భారత రాజధానే లక్ష్యం.. పాక్ కొత్త మిస్సైల్ 'ఫతా-4' వెనుక అసలు ప్లాన్!,

Petrol Diesel Price Hike: నేటి ఉదయం నుంచే కొత్త ధరలు

చమురు సంస్థల ప్రకటన ప్రకారం, పెరిగిన ధరలు నేటి ఉదయం 6 గంటల నుంచే అమల్లోకి వచ్చాయి. దాదాపు నాలుగేళ్ల విరామం తర్వాత ఈ స్థాయిలో ధరలను సవరించడం ఇదే తొలిసారి కావడం గమనార్హం. ఈ నిర్ణయంతో నిత్యావసర వస్తువుల రవాణా ఖర్చులు పెరిగి, సామాన్యుడి బడ్జెట్‌పై ప్రభావం పడే అవకాశం ఉంది.

Petrol Diesel Price Hike India

ప్రధాన నగరాల్లో ధరల పరిస్థితి (లీటరుకు)

దేశ రాజధాని ఢిల్లీతో పాటు ఇతర మెట్రో నగరాల్లో ధరల పెంపు ఈ విధంగా ఉంది:

దేశ రాజధాని ఢిల్లీలో నిన్నటి వరకు లీటర్ పెట్రోల్ రూ.94.77 ఉండగా, నేటి పెంపుతో అది రూ.97.77కు చేరింది. అలాగే డీజిల్ ధర రూ.87.67 నుంచి రూ.90.67కు పెరిగింది. దక్షిణాది రాష్ట్రాల్లోనూ ఇదే తరహా పెంపుదల కనిపిస్తోంది. రవాణా రంగంపై ఈ పెంపు తీవ్ర ప్రభావం చూపే అవకాశం ఉందని ఆర్థిక నిపుణులు విశ్లేషిస్తున్నారు.