Misir Besra: మావోయిస్ట్ రహిత చర్యల్లో భద్రతా బలగాలకు మరో భారీ విజయం లభించింది. రూ. 2 కోట్ల భారీ రివార్డు కలిగిన మావోయిస్ట్ అగ్రనేత, సీపీఐ (మావోయిస్ట్) పొలిట్ బ్యూరో/కేంద్ర కమిటీ సభ్యుడు మిసిర్ బెస్రా (Misir Besra) ను భద్రతా బలగాలు మంగళవారం రాత్రి విజయవంతంగా అరెస్ట్ చేశాయి.
Read Also:Bengal Govt : నీట్ నిరసనకారులపై ఎలాంటి చర్యలూ వుండవు : బెంగాల్ ప్రభుత్వం
కూంబింగ్ ఆపరేషన్లో చిక్కిన అగ్రనేతలు
ఝార్ఖండ్లోని ధన్బాద్ – గిరిడీ జిల్లాల సరిహద్దుల్లో ఉన్న తుండి-మండియా దట్టమైన అటవీ ప్రాంతంలో మావోయిస్టుల కదలికలు ఉన్నాయన్న పక్కా సమాచారంతో ఈ ఆపరేషన్ చేపట్టారు. కేంద్ర విప్లవాత్మక బలగాలు (CRPF) మరియు ఝార్ఖండ్ పోలీసులు కలిసి సంయుక్తంగా చేపట్టిన ప్రత్యేక కూంబింగ్ ఆపరేషన్లో మిసిర్ బెస్రాను రౌండప్ చేసి అదుపులోకి తీసుకున్నారు.బెస్రా మాత్రమే కాకుండా, ఆయనతో పాటు ఉన్న మరో ఇద్దరు కీలక మావోయిస్ట్ కేడర్లను కూడా పోలీసులు అరెస్ట్ చేశారు.
Misir Besra: అనేక దాడుల్లో కీలక పాత్ర.. రూ. 2 కోట్ల రివార్డు!
మావోయిస్ట్ పార్టీలో అత్యంత కీలక నాయకుడిగా భావించే మిసిర్ బెస్రా అనేక దాడులు, వ్యూహాత్మక చర్యల్లో క్రియాశీలకంగా వ్యవహరించారు.ఈయనపై వివిధ రాష్ట్రాల పోలీసులు, కేంద్ర ప్రభుత్వం కలిపి మొత్తం రూ. 2 కోట్ల రివార్డు ప్రకటించాయి.ఝార్ఖండ్, బీహార్, ఒడిశా సరిహద్దు ప్రాంతాల్లో మావోయిస్ట్ కార్యకలాపాలను విస్తరించడంలో, వ్యూహాత్మక దాడుల ప్రణాళికల్లో ఈయన కీలక పాత్ర పోషించినట్లు అధికారులు వెల్లడించారు. మావోయిస్ట్ అగ్రనాయకత్వంలో అత్యంత అనుభవజ్ఞుడైన మిసిర్ బెస్రా అరెస్ట్ కావడం మావోయిస్ట్ రహిత చర్యల్లో ఒక మైలురాయిగా, ఆ పార్టీకి తీరని లోటుగా భద్రతా దళాల నిపుణులు విశ్లేషిస్తున్నారు.
Read hindi news : hindi.vaartha.com
Epaper : epaper.vaartha.com
UNSC సంస్కరణలపై భారత్ తీవ్ర అసంతృప్తి: 17 ఏళ్ల ప్రతిష్టంభనకు తెరపడేదేప్పుడు?