కేవలం తుంపర్లు, చిరుజల్లులు తప్ప ఆశించిన స్థాయిలో భారీ వర్షాలు కురవడం లేదు. దీంతో నగరంలోని చెరువులు నిండి, భూగర్భ జలాలు పెరుగుతాయని ఆశగా ఎదురుచూస్తున్న నగరవాసులకు నిరాశే మిగులుతోంది.

Read Also: Medak News: భోజనం కాదు.. బకాయిలు ఇవ్వండి:PRTU

Hyderabad

Hyderabad: జిల్లాల వారీగా వర్షపాత గణాంకాలు

గత ఏడాది (2025) తో పోలిస్తే ఈసారి వర్షాలు కొంత మెరుగ్గా ఉన్నప్పటికీ, సాధారణ కోటా కంటే తక్కువగానే నమోదయ్యాయి.ఈ ఏడాది జూన్ లో 17 శాతం లోటు వర్షపాతం నమోదైంది. (గత ఏడాది 2025లో ఇది ఏకంగా 78 శాతంగా ఉంది). ఈ జిల్లాలో అత్యధికంగా 46 శాతం లోటు రికార్డైంది. (గత ఏడాది ఇక్కడ 66 శాతం లోటు ఉంది). ఈసారి రంగారెడ్డి జిల్లాలో వాతావరణం సానుకూలంగా ఉంది. ఇక్కడ సాధారణం కంటే 2 శాతం ఎక్కువ వర్షపాతం నమోదు కావడం విశేషం. (గత ఏడాది ఇక్కడ 47 శాతం లోటు ఉంది). 19 శాతం అటు ఇటుగా ఉన్నా దానిని వాతావరణ శాఖ సాధారణ వర్షపాతంగానే లెక్కిస్తుంది. అయితే, కురిసిన కొద్దిపాటి వర్షాలు కూడా ఒకటి రెండు రోజుల్లోనే భారీగా పడి, ఆ తర్వాత గ్యాప్ ఇవ్వడం వల్ల భూగర్భ జలాలు (Ground Water) పెరగడం లేదు. నగరంలో వాతావరణం చల్లబడటంతో పగటి, రాత్రి ఉష్ణోగ్రతల మధ్య వ్యత్యాసం కేవలం 5 డిగ్రీలకు పడిపోయింది. శుక్రవారం పగటి ఉష్ణోగ్రత సాధారణం కంటే 4 డిగ్రీలు తక్కువగా 29.2 డిగ్రీలుగా నమోదు కాగా, రాత్రి వేళ 24.5 డిగ్రీలుగా రికార్డైంది. దిల్ సుఖ్ నగర్, బంజారాహిల్స్, ట్యాంక్ బండ్, కోఠి వంటి ప్రాంతాల్లో మోస్తరు చిరుజల్లులు పడ్డాయి. ఉష్ణోగ్రతలు తగ్గడంతో నగరంలో విద్యుత్ డిమాండ్ ఒక్కసారిగా 3,300 మెగావాట్లకు పడిపోయింది.

Hyderabad: వర్షాలు తగ్గడానికి కారణం ఇదే: ఎల్‌నినో ప్రభావం

పసిఫిక్ మహాసముద్రంలో ఏర్పడిన ఎల్‌నినో (El Nino) పరిస్థితులే ఈ వర్షభావానికి ప్రధాన కారణమని హైదరాబాద్ వాతావరణ కేంద్రం డైరెక్టర్ ఎస్.స్టెల్లా వెల్లడించారు. ఎల్‌నినో అంటే ఏమిటి? మధ్య, తూర్పు ఉష్ణమండల పసిఫిక్ మహాసముద్రంలో ఉపరితల ఉష్ణోగ్రతలు సాధారణం కంటే ఎక్కువగా పెరగడాన్ని, దానివల్ల వాతావరణంలో వచ్చే మార్పులను ఎల్‌నినో అంటారు. ఈ ఎల్‌నినో ప్రభావం జూలై, ఆగస్టు నెలల్లో మధ్యస్థంగా ఉండి, సెప్టెంబర్ నాటికి మరింత బలపడే అవకాశం ఉంది. దీనివల్ల ప్రస్తుత నైరుతి రుతుపవనాల (South West Monsoon) కాలంలో సాధారణం కంటే తక్కువ వర్షపాతం నమోదయ్యే ప్రమాదం ఉందని వాతావరణ శాఖ హెచ్చరించింది.

Epaper: epaper.vaartha.com

రేవంత్ రెడ్డి 20 ఏళ్ల రాజకీయ ప్రస్థానం.. అభినందించిన మంత్రులు