Nara Lokesh: ఆంధ్రప్రదేశ్ రాష్ట్రానికి భారీగా పారిశ్రామిక పెట్టుబడులను ఆకర్షించడమే ధ్యేయంగా ఏపీ ఐటీ, విద్యాశాఖ మంత్రి నారా లోకేష్ ముంబైలో విస్తృతంగా పర్యటిస్తున్నారు.

ఇందులో భాగంగా సోమవారం ఆయన మహారాష్ట్ర ముఖ్యమంత్రి దేవేంద్ర ఫడ్నవీస్‌తో ప్రత్యేకంగా సమావేశమయ్యారు.

Nara Lokesh Mumbai Tour

వర్షా బంగ్లాలో మర్యాదపూర్వక భేటీ.. ఇరు రాష్ట్రాల సంబంధాలపై చర్చ

ముంబైలోని సీఎం అధికారిక నివాసం ‘వర్షా బంగ్లా’లో దేవేంద్ర ఫడ్నవీస్‌ను మంత్రి లోకేష్ మర్యాదపూర్వకంగా కలుసుకున్నారు. ఈ సందర్భంగా నారా లోకేష్‌కు మహారాష్ట్ర సీఎం సాదర స్వాగతం పలికారు. లోకేష్ ఆయనకు తిరుమల వేంకటేశ్వర స్వామి వారి ప్రతిమతో పాటు మంగళగిరి శాలువాను కప్పి గౌరవించగా.. ఫడ్నవీస్ ఆయనకు గణేశుడి విగ్రహాన్ని బహూకరించారు. ఈ ఉన్నత స్థాయి భేటీలో ఇరు రాష్ట్రాల మధ్య ద్వైపాక్షిక సంబంధాలు, ఏపీలో వ్యాపార అనుకూల వాతావరణం (Ease of Doing Business) మరియు విద్యా రంగంలో ప్రవేశపెడుతున్న నూతన సంస్కరణలపై ఇరువురు నేతలు సుదీర్ఘంగా చర్చించారు.

Read also: Srikakulam: రూ.80 లక్షల విలువ గల చోరీ సొత్తు స్వాధీనం..ఇద్దరు అంతర్రాష్ట్ర దొంగల అరెస్టు

Nara Lokesh: వైజాగ్‌ను ఏఐ హబ్‌గా మారుస్తున్నాం: ఎయిర్‌ట్రంక్ సీఈఓతో లోకేష్ చర్చలు

ముంబై పర్యటనలో భాగంగా ప్రముఖ డేటా సెంటర్ల సంస్థ ‘ఎయిర్‌ట్రంక్’ (AirTrunk) సీఈఓ రాబిన్ ఖుదాతో కూడా మంత్రి లోకేష్ ప్రత్యేకంగా సమావేశమయ్యారు. ఈ సందర్భంగా విశాఖపట్నం నగరం యొక్క భౌగోళిక ప్రాధాన్యతను ఆయన వివరించారు. కూటమి ప్రభుత్వం వైజాగ్‌ను ఐటీ మరియు ఆర్టిఫిషియల్ ఇంటెలిజెన్స్ (AI) హబ్‌గా అత్యంత వేగంగా తీర్చిదిద్దుతోందని.. ఇప్పటికే గూగుల్, రిలయన్స్ వంటి గ్లోబల్ దిగ్గజాలు అక్కడ తమ ఏఐ డేటా సెంటర్లను నెలకొల్పుతున్నాయని లోకేష్ గుర్తుచేశారు. విశాఖపట్నంలో ఎయిర్‌ట్రంక్ తన కొత్త క్యాంపస్‌ను ఏర్పాటు చేయాలని ఆయన కోరారు.