Maharashtra TET 2026 paper leak: మహారాష్ట్రలో పరీక్షా పత్రాల లీకేజీ కలకలం రేపుతోంది. రాష్ట్రంలో ఆదివారం జరగాల్సి ఉన్న 'టీచర్స్ ఎలిజిబిలిటీ Test' (TET) పరీక్షకు సరిగ్గా 24 గంటల ముందే ప్రశ్నపత్రం లీక్ కావడంతో అభ్యర్థులు తీవ్ర ఆందోళనకు గురవుతున్నారు.
థానేలో లీకేజీ వ్యవహారం వెలుగుచూడటంతో విద్యాశాఖ ఈ పరీక్షను వాయిదా వేస్తున్నట్లు ప్రకటించింది.
సమాచారం ప్రకారం.. టెట్ ప్రశ్నపత్రం లీక్ అయినట్లు పోలీసులకు ముందస్తు సమాచారం అందింది. దీంతో అప్రమత్తమైన పోలీసులు థానేలో ఒక మెరుపు ఆపరేషన్ నిర్వహించారు. ఈ తనిఖీల్లో లీక్ అయిన అసలైన ప్రశ్నపత్రాన్ని పోలీసులు విజయవంతంగా స్వాధీనం చేసుకున్నారు. ఈ వ్యవహారంలో కీలక పాత్ర పోషించినట్లు భావిస్తున్న పలువురు అనుమానితులను పోలీసులు అదుపులోకి తీసుకుని విచారిస్తున్నారు. అయితే కేసు దర్యాప్తు దశలో ఉన్నందున వారి వివరాలను ఇంకా అధికారికంగా వెల్లడించలేదు.
TET paper leak in Maharashtra… Exam postponed!
Maharashtra TET 2026 paper leak: రద్దయిన ఆదివారం పరీక్ష
ఆదివారం జరగాల్సిన TET పరీక్ష ప్రశ్నపత్రం ముందే బయటకు రావడంతో పరీక్షను రద్దు చేస్తూ అధికారులు నిర్ణయం తీసుకున్నారు. ఈ ఘోర ఉదంతానికి సంబంధించిన పూర్తి వివరాలతో మహారాష్ట్ర విద్యాశాఖ త్వరలోనే ఒక అధికారిక పత్రికా ప్రకటన (ప్రెస్ నోట్) విడుదల చేయనుంది. ప్రశ్నపత్రం అసలు ఎక్కడ లీక్ అయింది? దీని వెనుక ఉన్న అంతరాష్ట్ర ముఠాల ప్రమేయం ఏమైనా ఉందా? అనే విషయాలను నిర్ధారించుకోవడానికి పోలీసులు విచారణను వేగవంతం చేశారు.
ఈ లీకేజీ వ్యవహారంపై విద్యాశాఖ పూర్తి స్థాయి నివేదికను పరిశీలిస్తోంది. అధికారిక నిర్ణయం తీసుకున్న తర్వాత, అభ్యర్థులు ఎవరూ నష్టపోకుండా ఉండేలా పూర్తి భద్రతా ప్రమాణాలతో నిర్వహించబోయే సవరించిన పరీక్షా షెడ్యూల్ను (New Exam Dates) ఆ శాఖ ప్రకటించే అవకాశం ఉంది. విద్యాశాఖ అధికారిక ప్రకటన వచ్చిన వెంటనే మరిన్ని వివరాలు వెల్లడవుతాయని అధికారులు తెలిపారు.
Read hindi news : hindi.vaartha.com
కేంద్ర క్యాబినెట్ విస్తరణ! ధర్మేంద్ర, బండి సంజయ్, పురిలకు ఉద్వాసన?