మహబూబ్‌నగర్ నగర శివార్లలో నిర్మించ తలపెట్టిన నూతన త్రిబుల్ ఐటీ కళాశాల క్యాంపస్ నిర్మాణానికి సంబంధించిన బ్లూప్రింట్, సైట్ లేఅవుట్ ప్లాన్‌ను (Site Layout Plan) సోమవారం నాడు ఆయన ఉన్నతాధికారులతో కలిసి క్షుణ్ణంగా పరిశీలించారు.

తెలంగాణ ఎడ్యుకేషన్ & వెల్ఫేర్ ఇన్‌ఫ్రాస్ట్రక్చర్ డెవలప్మెంట్ కార్పొరేషన్ (TGWEIDC) ఆధ్వర్యంలో అంతర్జాతీయ ప్రమాణాలతో రూపొందించిన ఈ మెగా ప్రాజెక్ట్ లేఅవుట్ పరిశీలనలో టీజీడబ్ల్యూఐడీసీ మేనేజింగ్ డైరెక్టర్ (MD) ఘనపతి రెడ్డి, చీఫ్ ఎగ్జిక్యూటివ్ ఆఫీసర్ (CEO) షఫీ మరియు సాంకేతిక నిపుణుల బృందం పాల్గొన్నారు.

40 ఎకరాల విస్తీర్ణం.. 6 వేల మంది విద్యార్థులకు వసతి

ఈ సందర్భంగా ప్రభుత్వ విప్ యెన్నం శ్రీనివాస్ రెడ్డి మాట్లాడుతూ.. మహబూబ్‌నగర్ జిల్లాను ఒక అంతర్జాతీయ విద్యా హబ్‌గా (Education Hub) తీర్చిదిద్దేందుకు ఈ క్యాంపస్ ఒక మైలురాయి కానుందన్నారు. బెంగళూరు - హైదరాబాద్ జాతీయ రహదారి (NH 44) కి అత్యంత సమీపంలో ఈ క్యాంపస్‌ను ఏర్పాటు చేయనుండటం వల్ల విద్యార్థులు, అధ్యాపకులకు రవాణా సౌకర్యం అత్యంత సులభంగా అందుబాటులో ఉంటుందని తెలిపారు.

త్రిబుల్ ఐటీ (IIIT) క్యాంపస్ ప్రత్యేకతలు

• మొత్తం విస్తీర్ణం:40 ఎకరాల సువిశాల ప్రాంగణంలో నిర్మించనున్నారు.
• భవనాల విస్తీర్ణం: సుమారు 3.50 లక్షల చదరపు అడుగుల (SFT) వైశాల్యంలో అత్యాధునిక మౌలిక వసతులతో భవన సముదాయాలు నిర్మితమవుతాయి.
• విద్యార్థుల సామర్థ్యం: ఒకే విడతలో సుమారు 6,000 మంది దేశ, విదేశీ విద్యార్థులకు అవసరమైన అన్ని రకాల అకాడమిక్, నివాస సదుపాయాలు ఇక్కడ అందుబాటులోకి వస్తాయి.

Mahabubnagar IIIT Campus: కార్పొరేట్ శైలిలో మౌలిక వసతులు - లేఅవుట్ వివరాలు

ఈ ప్రాజెక్ట్ మాస్టర్ ప్లాన్‌లో (Master Plan) భాగంగా విద్యార్థుల సర్వతోముఖాభివృద్ధికి అవసరమైన ప్రతి అంశాన్ని చేర్చినట్లు ఎమ్మెల్యే వివరించారు.

• అకాడమిక్ & అడ్మినిస్ట్రేషన్: పరిపాలనా వ్యవహారాల కోసం అత్యాధునిక అడ్మినిస్ట్రేషన్ బ్లాక్, ఉన్నత విద్యా బోధన కోసం అకాడమిక్ బ్లాక్స్, మరియు పీయూసీ (PUC) కోర్సుల కోసం ప్రత్యేక భవనాలను డిజైన్ చేశారు.
• వసతి గృహాలు (Hostels): విద్యార్థి, విద్యార్థినుల కోసం పూర్తి భద్రతతో కూడిన వేర్వేరు బాలురు, బాలికల భారీ హాస్టల్ భవనాలు, సెంట్రలైజ్డ్ కిచెన్ మరియు హైటెక్ డైనింగ్ హాళ్లను నిర్మించనున్నారు.
• భవిష్యత్ అవసరాల విభాగాలు: డిజిటల్ లైబ్రరీ, అత్యాధునిక సైన్స్ అండ్ రోబోటిక్స్ ల్యాబొరేటరీలు, భారీ ఆడిటోరియం, సాంస్కృతిక ప్రదర్శనల కోసం ఓపెన్ థియేటర్, స్టూడెంట్ యాక్టివిటీ సెంటర్, విదేశీ ప్రతినిధుల కోసం గెస్ట్ హౌస్ మరియు ఫ్యాకల్టీ క్వార్టర్స్ (అధ్యాపకుల నివాసాలు) ఏర్పాటు కానున్నాయి.
• క్రీడా మైదానాలు: విద్యార్థుల శారీరక దృఢత్వం కోసం అంతర్జాతీయ ప్రమాణాలతో కూడిన బాస్కెట్‌బాల్ కోర్టులు, వాలీబాల్ కోర్టులతో పాటు విసృ్తతమైన అంతర్గత రోడ్ల గ్రిడ్‌ను లేఅవుట్‌లో పొందుపరిచారు.
• పారిశుధ్యం & నీటి వసతి: నిరంతర తాగునీటి సరఫరా కోసం భారీ కెపాసిటీ గల వాటర్ ట్యాంకులు, బోర్‌వెల్స్ మరియు శాస్త్రీయ పారిశుధ్య నిర్వహణకు సెప్టిక్ ట్యాంకుల వ్యవస్థను సమగ్రంగా డిజైన్ చేశారు.

ఈ ప్రతిష్టాత్మక విద్యా ప్రాజెక్ట్ నిర్మాణ పనులను వేగవంతం చేసి నియోజకవర్గ యువతకు నాణ్యమైన సాంకేతిక విద్యను (Technical Education) స్థానికంగానే ఉచితంగా, తక్కువ ఖర్చుతో అందిస్తామని యెన్నం శ్రీనివాస్ రెడ్డి స్పష్టం చేశారు.

తెలంగాణ సచివాలయంలో నిలిచిపోయిన క్యాటరింగ్ సేవలు