Mahesh Babu New Movie: ప్రపంచవ్యాప్తంగా సినీ ప్రియులు ఎంతగానో ఎదురుచూస్తున్న రాజమౌళి - మహేష్ బాబు సినిమా 'వారణాసి' షూటింగ్ శరవేగంగా సాగుతోంది.

ఈ ప్రతిష్టాత్మక చిత్రానికి సంబంధించి దర్శకుడు రాజమౌళి తాజాగా కొన్ని ఆసక్తికరమైన విషయాలను పంచుకున్నారు.

Read Also:Dhanush Controversy: వివాదంలో నటుడు ధనుష్‌

సగం షూటింగ్ పూర్తి

రాజమౌళి తెలిపిన వివరాల ప్రకారం, ఈ భారీ బడ్జెట్ చిత్రం ఇప్పటికే 50 శాతం షూటింగ్ పూర్తి చేసుకుంది. చిత్రంలోని అత్యంత కీలకమైన సన్నివేశాలను ఇప్పటికే చిత్రీకరించినట్లు ఆయన వెల్లడించారు. గత సినిమాలతో పోలిస్తే ఈసారి జక్కన్న ప్రమోషన్స్ విషయంలో కూడా మొదటి నుంచే చాలా యాక్టివ్‌గా ఉండటం విశేషం.

కెరీర్‌లోనే అత్యంత కష్టమైన సన్నివేశం

ఈ సినిమాలో రామాయణ సీక్వెన్స్ ఒకటి ఉంటుందని, తన కెరీర్‌లోనే దాని చిత్రీకరణ అత్యంత సవాలుతో కూడుకున్నదని రాజమౌళి(Rajamouli) తెలిపారు. ఆ క్లిష్టమైన ఘట్టాన్ని కూడా విజయవంతంగా పూర్తి చేశామని చెప్పడం అభిమానుల్లో అంచనాలను పెంచేసింది.

మహేష్ బాబుతో కలిసి ప్రమోషన్స్

ఇటీవల నిర్వహించిన ఒక కార్యక్రమంలో రాజమౌళి, మహేష్ బాబు మరియు ప్రియాంకలు కలిసి సినిమా విశేషాలను పంచుకున్నారు. సినిమా అవుట్‌పుట్ పట్ల చిత్ర బృందం చాలా నమ్మకంతో ఉన్నట్లు తెలుస్తోంది.