రాష్ట్రంలో మైనర్ డ్రైవింగ్‌కు అడ్డుకట్ట వేసేందుకు రవాణా శాఖ సరికొత్త, కఠినమైన నిబంధనలను తెరపైకి తెచ్చింది. ఒకవేళ మైనర్లు వాహనం నడుపుతూ పట్టుబడితే, వారికి 25 ఏళ్ల వయస్సు వచ్చే వరకు ఎలాంటి డ్రైవింగ్ లైసెన్స్ జారీ చేయబోమని అధికారులు స్పష్టం చేశారు. దీంతో పాటు, మైనర్లు నడిపిన సదరు వాహనం యొక్క రిజిస్ట్రేషన్‌ను కూడా ఏడాది పాటు రద్దు చేయనున్నారు. ఈ నిబంధనలను రాష్ట్రవ్యాప్తంగా అత్యంత కఠినంగా అమలు చేస్తున్నట్లు రవాణా శాఖ వెల్లడించింది.

Read Also : Rain Effect : ప్రభుత్వ ఆసుపత్రులలో రోగుల రద్దీ

Heavy price for minors driving vehicles… No license until age 25.

Minor Driving Rules: ఏడాది పాటు వాహన రిజిస్ట్రేషన్ రద్దు

మైనర్లు నడిపే వాహనాల విషయంలో కేవలం వారిపైనే కాకుండా, సదరు వాహనాలపై కూడా రవాణా శాఖ కఠిన చర్యలు తీసుకోనుంది. నిబంధనలను ఉల్లంఘించి మైనర్లు నడిపిన వాహనాల రిజిస్ట్రేషన్‌ను ఏడాది పాటు రద్దు చేయనున్నట్లు అధికారులు వెల్లడించారు. తల్లిదండ్రులు లేదా వాహన యజమానులు బాధ్యతారాహిత్యంగా మైనర్లకు వాహనాలు ఇస్తే భారీ మూల్యం చెల్లించుకోక తప్పదని, కాబట్టి పిల్లలకు వాహనాలు ఇవ్వకుండా జాగ్రత్త వహించాలని గట్టిగా సూచించారు.

ఈ కఠిన నిబంధనల అమలులో భాగంగా రవాణా శాఖ ఇప్పటికే చురుగ్గా వ్యవహరిస్తోంది. ఈ ఏడాది జరిపిన తనిఖీల్లో మైనర్లు నడుపుతూ పట్టుబడిన 4,070 వాహనాలను అధికారులు స్వాధీనం చేసుకున్నారు. నిబంధనల ప్రకారం ఆయా వాహనాల రిజిస్ట్రేషన్లను ఏడాది పాటు రద్దు చేసినట్లు వెల్లడించారు. రాబోయే రోజుల్లో రాష్ట్రవ్యాప్తంగా మరిన్ని ప్రత్యేక తనిఖీలు నిర్వహిస్తామని, మైనర్లు రోడ్లపైకి వాహనాలతో వస్తే కఠిన చర్యలు తప్పవని అధికారులు హెచ్చరించారు.

1,500 కండక్టర్ పోస్టులకు గ్రీన్ సిగ్నల్ ఇచ్చిన తెలంగాణ సర్కార్