మే 31తో ముగియనున్న వేసవి సెలవులు!

Summer Holidays 2026: ఇంటర్ విద్యార్థులకు వేసవి సెలవుల ముగింపు తేదీలు ఖరారు అయ్యాయి. ఆంధ్రప్రదేశ్, తెలంగాణ రాష్ట్రాల్లో మే 31తో వేసవి సెలవులు పూర్తి కానున్నాయి.

దీనితో జూన్ 1 నుంచి ప్రభుత్వ, ప్రైవేట్ జూనియర్ కాలేజీలు తిరిగి ప్రారంభం అవుతాయి. రెండు రాష్ట్రాల ఇంటర్ బోర్డులు ఇప్పటికే కొత్త విద్యా సంవత్సరానికి సంబంధించిన అకడమిక్ క్యాలెండర్‌లను సిద్ధం చేశాయి.

Summer Holidays End for Intermediate Students

అకడమిక్ ఇయర్ పని దినాల లెక్కలు ఇలా

ఈ కొత్త విద్యా సంవత్సరంలో పని దినాల వివరాలను విద్యా శాఖ అధికారులు వెల్లడించారు. ఆంధ్రప్రదేశ్ రాష్ట్రంలో 2026-27 విద్యా సంవత్సరానికి సంబంధించి 232 పని దినాలు ఉంటాయి. అలాగే తెలంగాణ రాష్ట్రంలో మొత్తం 224 పని దినాలను ఖరారు చేశారు. ఈ పని దినాల ఆధారంగానే కాలేజీల సిలబస్, పరీక్షల షెడ్యూల్ సాగుతుంది.

Summer Holidays 2026: స్కూల్ విద్యార్థులకు జూన్ 11 వరకు సెలవులు

పాఠశాల విద్యార్థుల విషయానికి వస్తే వారికి మరికొన్ని రోజులు సెలవులు కొనసాగుతాయి. జూన్ 11 వరకు సెలవులు ఉన్నందున జూన్ 12 నుంచి రాష్ట్రంలోని అన్ని ప్రభుత్వ, ప్రైవేట్ పాఠశాలలు తెరుచుకుంటాయి. విద్యార్థులందరూ సెలవుల తర్వాత మళ్ళీ చదువుపై దృష్టి పెట్టడానికి సిద్ధం కావాలని విద్యా సంస్థల యాజమాన్యాలు సూచిస్తున్నాయి.