Messi Retirement: 2026 ఫిఫా వరల్డ్ కప్ ఫైనల్లో తీవ్ర నిరాశజనక ఓటమి అనంతరం అర్జెంటీనా ఫుట్బాల్ దిగ్గజం లియోనెల్ మెస్సీ (Lionel Messi) అంతర్జాతీయ ఫుట్బాల్ నుంచి వైదొలుగుతున్నట్లు ప్రకటించడం క్రీడా లోకాన్ని షాక్కు గురిచేసింది.
ఈ నిర్ణయంతో ప్రపంచవ్యాప్తంగా ఉన్న కోట్లాది మంది ఫుట్బాల్ అభిమానులు తీవ్ర దిగ్భ్రాంతి చెందారు. గతంలో 2016లో జరిగిన కోపా అమెరికా ఫైనల్లోనూ ఓటమి ఎదురైనప్పుడు మెస్సీ ఇలాగే రిటైర్మెంట్ ప్రకటించి, ఆ తర్వాత మళ్లీ తన నిర్ణయాన్ని ఉపసంహరించుకున్న సంగతి తెలిసిందే.
Read Also :PCB vs England Test :ఇంగ్లాండ్ చేతిలో ఘోర పరాజయం.. ఏడుగురు క్రికెటర్లపై పీసీబీ వేటు!
Messi Retirement: మెస్సీ రిటైర్మెంట్పై క్రిస్టియానో రొనాల్డో వ్యాఖ్యలు
మెస్సీ వైదొలగడంపై పోర్చుగల్ ఫుట్బాల్ స్టార్ క్రిస్టియానో రొనాల్డో (Cristiano Ronaldo) ఆసక్తికరంగా స్పందించారు. మెస్సీ చాలా కఠినమైన నిర్ణయం తీసుకున్నారని, అభిమానులు ఈ సమయంలో అతడి పరిస్థితిని అర్థం చేసుకోవాలని రొనాల్డో సూచించారు.మెస్సీ లాంటి గొప్ప ఆటగాడు ఓటములకు అలవాటు పడలేడని, రెండో స్థానంలో నిలవడాన్ని జీర్ణించుకోవడం అతడికి చాలా కష్టమని పేర్కొన్నారు. మ్యాచ్లో ఒక పెనాల్టీ మిస్ అయినంత మాత్రాన ఏ ఆటగాడూ చెడ్డవాడు అయిపోడని రొనాల్డో అభిప్రాయపడ్డారు. ఇలాంటి తీవ్రమైన వైదొలిగే నిర్ణయాన్ని మెస్సీ తీసుకోకుండా ఉండాల్సిందని, తొందరపడి రిటైర్మెంట్ ప్రకటించకూడదని వ్యాఖ్యానించారు.