Read Also:Gold price 18/04/26 : ట్రంప్ ప్రకటనలతో పడిపోయిన బంగారం ధర

Meta Layoffs: 8,000 మందిపై వేటు?

ఈ ఏడాది నిర్వహించనున్న పునర్‌వ్యవస్థీకరణలో భాగంగా తొలి విడత ఉద్యోగాల కోతను మే 20న చేపట్టనున్నట్లు అంతర్జాతీయ మీడియా సంస్థ రాయిటర్స్ వెల్లడించింది.ప్రాథమిక సమాచారం ప్రకారం, మెటా తన మొత్తం సిబ్బందిలో సుమారు 10 శాతం మందిని తొలగించనుంది. అంటే ప్రపంచవ్యాప్తంగా ఉన్న దాదాపు 8,000 మంది ఉద్యోగులు ఈ విడతలో తమ ఉద్యోగాలను కోల్పోయే ప్రమాదం ఉంది. 2024 డిసెంబర్ నాటికి మెటాలో మొత్తం 79,000 మంది సిబ్బంది ఉండగా, ఈ కోత వారిపై తీవ్ర ప్రభావం చూపనుంది.

ఏఐ (AI) పై భారీ పెట్టుబడులు

గతంలో (2022-23) “ఇయర్ ఆఫ్ ఎఫిషియెన్సీ” పేరుతో 21,000 మందిని తీసేసినప్పుడు మెటా ఆర్థిక సంక్షోభంలో ఉంది. కానీ ఇప్పుడు పరిస్థితి భిన్నంగా ఉంది.గతేడాది మెటా $60 బిలియన్ల నికర లాభాన్ని గడించింది.లాభాల్లో ఉన్నప్పటికీ, సీఈఓ మార్క్ జూకర్‌బర్గ్ తన ఫోకస్‌ను పూర్తిగా ఆర్టిఫిషియల్ ఇంటెలిజెన్స్‌కు మళ్లిస్తున్నారు.ఏఐ సాయంతో తక్కువ మంది మేనేజర్లతో ఎక్కువ పనిని పూర్తి చేయాలని కంపెనీ భావిస్తోంది.

Meta Layoffs 2026

అంతర్గత మార్పులు

ఈ క్రమంలోనే మెటా తన ఇంజనీరింగ్ విభాగాల్లో కీలక మార్పులు చేస్తోంది. సాదాసీదా ఇంజనీరింగ్ పనుల కంటే, “అప్లైడ్ ఏఐ” (Applied AI) అనే కొత్త విభాగానికి సిబ్బందిని బదిలీ చేస్తోంది. భవిష్యత్తులో కేవలం ఏఐ నైపుణ్యం ఉన్నవారికే కంపెనీలో ప్రాధాన్యత ఉంటుందని ఈ లేఆఫ్స్ స్పష్టం చేస్తున్నాయి.

టెక్ రంగంలో కొనసాగుతున్న గండం

మెటా మాత్రమే కాదు, ఇటీవల అమెజాన్ (30,000 మంది) మరియు ఫిన్‌టెక్ దిగ్గజం బ్లాక్ కూడా భారీగా ఉద్యోగులను తొలగించాయి. ఏఐ వస్తే మానవ వనరుల అవసరం తగ్గుతుందనే ఆందోళన టెక్ నిపుణుల్లో నిజమవుతోంది. ఈ ఏడాది ద్వితీయార్ధంలో మెటాలో మరిన్ని లేఆఫ్స్ ఉండే అవకాశం ఉందని నివేదికలు హెచ్చరిస్తున్నాయి.

Read Also hindi news: hindi.vaartha.com

Epaper : epaper.vaartha.com

Read Also:

ముఖేష్ అంబానీని దాటేసిన అదానీ.. ఆసియాలోనే అత్యంత ధనవంతుడిగా రికార్డు!