ప్రస్తుత కెప్టెన్ హార్దిక్ పాండ్య భవిష్యత్తుపై ఊహాగానాలు కొనసాగుతున్నప్పటికీ, తాజాగా ఆయన ముంబైలోనే కొనసాగి IPL 2027 సీజన్‌లో ఆడే అవకాశాలు పెరిగినట్లు నివేదికలు చెబుతున్నాయి. అయితే కెప్టెన్సీ మాత్రం ఆయన చేతుల్లో ఉండకపోవచ్చని సమాచారం.

జట్టు యాజమాన్యం భవిష్యత్ నాయకత్వంపై దృష్టి :

2026 సీజన్‌లో ముంబై ఇండియన్స్ ప్లేఆఫ్స్‌కు చేరుకోలేకపోయి నిరాశపరిచింది. ఈ నేపథ్యంలో జట్టు యాజమాన్యం భవిష్యత్ నాయకత్వంపై దృష్టి పెట్టింది. ప్రస్తుతం జస్ప్రీత్ బుమ్రా, తిలక్ వర్మ పేర్లు కెప్టెన్సీ రేసులో ముందంజలో ఉన్నట్లు తెలుస్తోంది. తాజా సమాచారం ప్రకారం తిలక్ వర్మకే ప్రాధాన్యత ఎక్కువగా ఉన్నట్లు నివేదికలు పేర్కొంటున్నాయి.

తిలక్‌కు ముంబై ఫ్రాంచైజీతో ప్రత్యేక అనుబంధం ఉంది. 2022లో అరంగేట్రం చేసినప్పటి నుంచి జట్టులో కీలక ఆటగాడిగా ఎదిగిన అతడిని ముంబై భవిష్యత్ నాయకుడిగా చూస్తోంది. యువ ఆటగాడైనప్పటికీ ఒత్తిడిలో ప్రశాంతంగా ఆడటం, భారత జట్టులోనూ నాయకత్వ బాధ్యతలు చేపట్టడం అతడికి కలిసొచ్చే అంశాలు. ఇటీవల ఆఫ్ఘనిస్థాన్‌తో టీ20 సిరీస్‌కు తిలక్‌ను వైస్ కెప్టెన్‌గా ఎంపిక చేయడం కూడా అతడి నాయకత్వ సామర్థ్యానికి గుర్తింపుగా భావించవచ్చు.

మరోవైపు బుమ్రా అనుభవం, ఆటపై ప్రభావం అతడిని బలమైన ప్రత్యామ్నాయంగా నిలబెడుతున్నాయి. 2026లో పాండ్య అందుబాటులో లేని సమయంలో బుమ్రా ముంబైకి కెప్టెన్‌గా వ్యవహరించాడు. అందువల్ల పాండ్య ముంబైలోనే కొనసాగినా, IPL 2027లో కెప్టెన్సీ మాత్రం తిలక్ లేదా బుమ్రాకు దక్కే అవకాశాలు కనిపిస్తున్నాయి. తుది నిర్ణయం ముంబై ఇండియన్స్‌ యాజమాన్యం, కోచింగ్‌ బృందం సమీక్ష తర్వాత వెలువడనుంది.

చెల్లించకపోతే ఏం జరుగుతుందో తెలుసా..?