Narendra Modi: ప్రధానమంత్రి నరేంద్ర మోదీ సుదీర్ఘకాలం (12 సంవత్సరాలు) పాటు ప్రజాస్వామ్య పద్ధతిలో ఎన్నికైన ప్రధానిగా అరుదైన మైలురాయిని అధిగమించడంపై అమెరికా నుంచి ప్రశంసలు వెల్లువెత్తుతున్నాయి.

అమెరికా చట్టసభల ప్రతినిధులు, అంతర్జాతీయ కార్పొరేట్ దిగ్గజాలు, ప్రవాస భారతీయులు మోదీ అసాధారణ నాయకత్వాన్ని అభినందిస్తున్నారు. గత పన్నెండేళ్ల కాలంలో భారతదేశం ప్రపంచ వేదికపై సరికొత్త ఎత్తుకు ఎదగడమే కాకుండా, వాషింగ్టన్-న్యూఢిల్లీ మధ్య దౌత్యపరమైన బంధం ఎన్నడూ లేనంతగా బలపడిందని వారు స్పష్టం చేస్తున్నారు.

read also: Israel: ఇజ్రాయెల్‌లో ఛత్రపతి శివాజీ విగ్రహం ఏర్పాటు

25 కోట్ల మంది పేదరికం నుంచి విముక్తి: అమెరికా సెనేటర్ జాన్ కార్నిన్

ప్రధాని మోదీ సాధించిన ఈ చారిత్రక ఘనతపై అమెరికా సెనేటర్ జాన్ కార్నిన్ ప్రత్యేకంగా స్పందిస్తూ శుభాకాంక్షలు తెలిపారు. “సుమారు 140 కోట్ల జనాభా గల భారతదేశంలో వరుసగా మూడుసార్లు ప్రజాదరణ పొంది, 4,399 రోజులుగా ప్రధానమంత్రిగా దేశాన్ని నడిపిస్తున్న నరేంద్ర మోదీకి అభినందనలు. ఆయన సమర్థవంతమైన పాలన వల్లనే భారత్‌లో 25 కోట్ల మంది ప్రజలు పేదరిక సంకెళ్ల నుంచి బయటపడ్డారు. ప్రపంచంలోనే అత్యంత వేగవంతమైన ఆర్థిక శక్తిగా భారత్ దూసుకుపోతోంది. ప్రస్తుత తరుణంలో ఇరు దేశాల భాగస్వామ్యం అత్యంత పటిష్టంగా ఉంది” అని కార్నిన్ కొనియాడారు.

Narendra Modi: భారత్ రూపురేఖలు మారాయి.. వ్యాపార దిగ్గజాల ప్రశంసలు

ఇండియన్ అమెరికన్ సీఈఓ కౌన్సిల్ కో-ఫౌండర్ అరుణ్ అగర్వాల్ మాట్లాడుతూ.. మోదీ నాయకత్వంలో గడిచిన 12 ఏళ్లలో భారతదేశ స్వరూపమే మారిపోయిందని వ్యాఖ్యానించారు. “గతంలో భారతదేశాన్ని కేవలం ‘భవిష్యత్తు ఉన్న దేశం’గా మాత్రమే చూసేవారు. కానీ నేడు ప్రధాని మోదీ హయాంలో ఆ భవిష్యత్తును సాకారం చేసుకుంటున్న దేశంగా భారత్ ప్రపంచాన్ని ఆకర్షిస్తోంది” అని ఆయన అన్నారు. ప్రఖ్యాత పలో ఆల్టో నెట్‌వర్క్స్ సీఈఓ నికేశ్ అరోరా సైతం ప్రధానికి అభినందనలు తెలుపుతూ.. భవిష్యత్తులో భారత్-యూఎస్ వ్యూహాత్మక భాగస్వామ్యం మరిన్ని మైలురాళ్లను అధిగమించాలని ఆకాంక్షించారు.

చారిత్రక ప్రజాస్వామ్య మైలురాయి: మేరీ మిల్బెన్