ఈ సందర్భంగా ఆయన మాట్లాడుతూ.. ప్రధానమంత్రి నరేంద్ర మోదీ, ఆంధ్రప్రదేశ్ ముఖ్యమంత్రి నారా చంద్రబాబు నాయుడులు తనకు ప్రధాన మార్గదర్శకులని, వారి అడుగుజాడల్లోనే తాను నడుస్తున్నానని ప్రకటించారు. వారిరువురి స్ఫూర్తితోనే ఆంధ్రప్రదేశ్ రాష్ట్రాన్ని ప్రగతిపథంలో ముందుకు తీసుకెళ్లేందుకు నిరంతరం కృషి చేస్తున్నానని లోకేష్ స్పష్టం చేశారు. కేంద్ర, రాష్ట్ర ప్రభుత్వాల డబుల్ ఇంజన్ సహకారంతో ఏపీలో పారిశ్రామిక రంగాన్ని పరుగులు పెట్టిస్తామని ఆయన ధీమా వ్యక్తం చేశారు.

ఏపీకి పెట్టుబడుల వరద.. 'స్పీడ్ గవర్నెన్స్' సాధించిన విజయం

రాష్ట్రంలో అమలవుతున్న పారదర్శక విధానాల వల్ల దేశంలోకి వచ్చే మొత్తం పెట్టుబడుల్లో 25 శాతం వాటాను ఒక్క ఆంధ్రప్రదేశ్‌ మాత్రమే దక్కించుకుంటోందని మంత్రి లోకేష్ గర్వంగా ప్రకటించారు. కూటమి ప్రభుత్వంలో ప్రవేశపెట్టిన 'స్పీడ్ గవర్నెన్స్' (వేగవంతమైన పరిపాలన), స్థిరమైన పారిశ్రామిక విధానాలు, అత్యంత వేగంగా అనుమతులు మంజూరు చేయడం వల్లే పరిశ్రమలకు రాష్ట్రంపై నమ్మకం పెరిగిందని ఆయన వివరించారు. దాల్మియా సిమెంట్ వంటి దిగ్గజ సంస్థల విస్తరణే ఇందుకు నిదర్శనమని, రాబోయే రోజుల్లో మరిన్ని భారీ పరిశ్రమలను ఆకర్షించి, యువతకు పెద్దపీట వేసేలా ఉపాధి అవకాశాలను సృష్టిస్తామని ఈ సందర్భంగా లోకేష్ పునరుద్ఘాటించారు.

పవిత్ర సంగమంలో కృష్ణమ్మకు 'జలహారతి' ఇచ్చిన సీఎం చంద్రబాబు