ఈ సీజన్‌లో విధ్వంసకర బ్యాటింగ్‌తో చెలరేగి, ఏకంగా అవార్డుల పంట పండించిన ఈ లెఫ్ట్ హ్యాండెడ్ బ్యాటర్.. తాజాగా భారత మాజీ ఆల్‌రౌండర్ రవిచంద్రన్ అశ్విన్ (Ravichandran Ashwin) యూట్యూబ్ టాక్ షోలో తన భవిష్యత్ లక్ష్యాలపై ఆసక్తికర వ్యాఖ్యలు చేశాడు. ఐపీఎల్‌లో పరుగుల వరద పారించినా, తన అసలు కల మాత్రం టీమిండియా జెర్సీ వేసుకుని టెస్ట్ క్రికెట్ ఆడటమేనని వైభవ్ స్పష్టం చేశాడు.

Read Also:RCB Fans Celebration : ఆర్‌సీబీ విజయం తర్వాత హంగామా.. బస్సుపై రాళ్లదాడి, ట్రాఫిక్ జామ్

"నేను రెడ్ బాల్‌తో బాగా ప్రాక్టీస్ చేశా.. త్వరలోనే చూస్తారు"

Test Cricket Is Real Format": Vaibhav Suryavanshi Opens Up On Future Plans To Ravichandran Ashwin

టాక్ షోలో అశ్విన్‌తో వైభవ్ మాట్లాడుతూ.. "అవును, నా తర్వాతి టోర్నీ వన్డే ఫార్మాట్ (ఇండియా-ఏ శ్రీలంక పర్యటన) లో ఉంది. దానికోసం నేను గ్రౌండ్‌లో మరింత కష్టపడాలి. చాలా మంది నన్ను కేవలం వైట్‌బాల్ ప్లేయర్‌గానే చూస్తున్నారు. కానీ, నేను నెట్స్‌లో రెడ్ బాల్‌తో చాలా ప్రాక్టీస్ చేశాను. ఆ విషయం ప్రస్తుతానికి ఎవరికీ తెలియదు.. త్వరలోనే అందరూ నా క్లాసిక్ ఆటను చూస్తారు" అని పూర్తి ఆత్మవిశ్వాసంతో చెప్పాడు. తన దూకుడైన బ్యాటింగ్ శైలిపై వస్తున్న కామెంట్స్ గురించి వైభవ్ వివరణ ఇచ్చాడు. "నేను గ్రౌండ్‌లోకి దిగితే ప్రతీ బంతిని బాదడానికే చూస్తానని అందరూ అనుకుంటారు. కానీ అది నిజం కాదు. ఇది టీ20 ఫార్మాట్ కావడంతో, అలాగే కోచ్‌లు (రాజస్థాన్ రాయల్స్ మేనేజ్‌మెంట్) నాకు పూర్తి స్వేచ్ఛనివ్వడం వల్లే అలా ఆడాను. బంతిని నేను ఖచ్చితంగా బౌండరీ దాటించగలననే నమ్మకం ఉన్నప్పుడే షాట్ ఆడతాను. అంతేగానీ, బలవంతంగా ప్రతి బంతిని కొట్టాలని రిస్క్ తీసుకోను" అని తన మెచ్యూరిటీని చాటుకున్నాడు.

Vaibhav Suryavanshi Interview: నాన్న కల.. టెస్ట్ క్రికెట్టే అసలైన ఫార్మాట్

రంజీ ట్రోఫీలో గతంలో ఆడిన అనుభవాన్ని గుర్తుచేసుకుంటూ వైభవ్ ఎమోషనల్ అయ్యాడు. "టెస్ట్ క్రికెట్టే అసలైన క్రికెట్ అని, ఒక బ్యాటర్ సత్తా ఏంటో అక్కడే తెలుస్తుందని మా నాన్న నాకు చిన్నప్పటి నుండి నేర్పించారు. అందుకే నేను కచ్చితంగా భారత్ తరఫున టెస్టులు ఆడాలనుకుంటున్నాను. గతంలో బీహార్ తరఫున రంజీ ట్రోఫీ ఆడినప్పటికీ నాకు ఎక్కువ అవకాశాలు రాలేదు. అది నాకు పెద్ద సవాల్‌గా నిలిచింది. కానీ, రెడ్ బాల్ క్రికెట్‌లో రాణించడం కోసం నేను నిరంతరం కష్టపడుతూనే ఉంటాను" అని తన అంతిమ లక్ష్యాన్ని ప్రకటించాడు.

ఐపీఎల్ 2026: వైభవ్ సూర్యవంశీ అవార్డుల వేట (Awards & Stats)

15 ఏళ్ల వయసులోనే ఒక ఐపీఎల్ సీజన్‌లో అత్యధిక అవార్డులు గెలుచుకున్న ప్లేయర్‌గా వైభవ్ రికార్డు సృష్టించాడు:

• మొత్తం మ్యాచ్‌లు: 16
• మొత్తం పరుగులు: 776 రన్స్ (టాప్ స్కోరర్)
• లభించిన అవార్డుల జాబితా:
  1. ఆరెంజ్ క్యాప్ (Orange Cap) - సీజన్ టాప్ రన్ స్కోరర్.
  2. మోస్ట్ వాల్యుబుల్ ప్లేయర్ (MVP) - అత్యుత్తమ ఆల్‌రౌండ్ ఇంపాక్ట్.
  3. ఎమర్జింగ్ ప్లేయర్ ఆఫ్ ది సీజన్ - బెస్ట్ యంగ్ ప్లేయర్.
  4. సూపర్ స్ట్రైకర్ ఆఫ్ ది సీజన్ - అత్యధిక స్ట్రైక్ రేట్.
  5. సూపర్ సిక్సెస్ ఆఫ్ ది సీజన్ - టోర్నమెంట్‌లో అత్యధిక సిక్సర్లు.

Read Also hindi news: hindi.vaartha.com

Read Also Epaper : epaper.vaartha.com

Read Also :

ఆర్సీబీ బ్యాటర్ టిమ్ డేవిడ్‌పై భారీ జరిమానా..ఐపీఎల్ 2027 తొలి మ్యాచ్‌కు దూరం