Arvind Kejriwal: ఆమ్ ఆద్మీ పార్టీ (AAP) జాతీయ కన్వీనర్, ఢిల్లీ మాజీ ముఖ్యమంత్రి అరవింద్ కేజ్రీవాల్ (Arvind Kejriwal) సోషల్ మీడియా దిగ్గజం మెటా (Meta) తీరుపై తీవ్ర ఆగ్రహం వ్యక్తం చేశారు.
భారతదేశంలో తన సోషల్ మీడియా ఖాతా వినియోగాన్ని పరిమితం చేయడం (Restricted) వెనుక ఉన్న కారణమేంటో చెప్పాలని ఆయన కంపెనీ యాజమాన్యాన్ని సూటిగా ప్రశ్నించారు.కోట్లాది మంది వినియోగదారులు ఉన్న భారత్లో ఒక ప్రముఖ రాజకీయ నాయకుడి ఖాతాపై ఇలాంటి చర్యలు తీసుకోవడం మరియు దీనిపై స్పష్టత ఇవ్వకపోవడంపై ఆయన తీవ్ర అసంతృప్తి వ్యక్తం చేశారు.
Read Also :Sonam Wangchuk : కేంద్రమంత్రులు మాట తప్పారు - వాంగ్ చుక్
కేజ్రీవాల్ ఆరోపణలు & 'X' (ట్విట్టర్) పోస్ట్
తన సోషల్ మీడియా ఖాతా "Unavailable in India" (భారత్లో అందుబాటులో లేదు) అని చూపిస్తున్న స్క్రీన్ షాట్ను 'X' ప్లాట్ఫామ్లో పోస్ట్ చేస్తూ కేజ్రీవాల్ మెటాను నిలదీశారు.
- కారణాలు చెప్పలేదు: "నా ఖాతాను ఎందుకు నిరోధించారు? ఇండియా ఆఫీసులో విచారిస్తే ఖాతా నిరోధించినట్లు తెలిసింది తప్ప కారణాలు ఎవరూ చెప్పడం లేదు. ఈ పరిమితులను ఎలా తొలగించాలో కూడా సూచించడం లేదు."
- సమాధానం లేని ఈమెయిళ్లు: కంపెనీకి పంపిన ఈమెయిళ్లకు కేవలం ఆటోమేటెడ్ (రొటీన్) రెస్పాన్స్ మాత్రమే వస్తోందని, అసలు సమాధానం ఇవ్వకపోవడం "అత్యంత చెత్త సర్వీస్" అని మండిపడ్డారు.
ఈ వ్యవహారంపై మెటా సంస్థ నుంచి అధికారికంగా ఎలాంటి తక్షణ వివరణ వెలువడలేదు.
Arvind Kejriwal:పీఎం మోదీ పోస్ట్ బ్లాకింగ్ ఘటన.. మెటా బహిరంగ క్షమాపణలు!
మరోవైపు, గత నెలలో ప్రధాని నరేంద్ర మోదీ (PM Narendra Modi) ఫేస్బుక్ పోస్ట్ను పొరపాటున నిరోధించిన ఘటనపై మెటా గ్లోబల్ అఫైర్స్ చీఫ్ జోయల్ కప్లాన్ (Joel Kaplan) కేంద్ర ఐటీ శాఖ మంత్రి అశ్విని వైష్ణవ్ను కలిసి వ్యక్తిగతంగా క్షమాపణలు చెప్పారు. పిఎం మోదీ పోస్ట్ను పొరపాటున నిరోధించినందుకు మెటా తరఫున కేంద్ర మంత్రికి క్షమాపణలు తెలియజేశాను" అని జోయల్ కప్లాన్ వెల్లడించారు. ప్రధాని పోస్ట్ విషయంలో తక్షణమే స్పందించి క్షమాపణలు చెప్పిన మెటా, తన ఖాతా నిరోధంపై ఎందుకు మౌనంగా ఉందో చెప్పాలని కేజ్రీవాల్ ప్రశ్నిస్తున్నారు.
ప్రెజర్ గ్రూప్గానే కొనసాగుతాం.. కాక్రోచ్ జనతా పార్టీ ప్రకటన