టర్కీ రాజధాని అంకారాలో ఈ వారం నిర్వహించనున్న నాటో దేశాల అత్యున్నత స్థాయి సమావేశంలో ట్రంప్ ఈ ప్రతిపాదనను తెరపైకి తెచ్చేందుకు సిద్ధమయ్యారు. కూటమిలోని ప్రతి దేశం తమ మొత్తం జీడీపీ (GDP)లో కనీసం 5 శాతాన్ని రక్షణ రంగానికే కేటాయించేలా గట్టి ఒత్తిడి తీసుకురావడమే లక్ష్యంగా వైట్‌హౌస్ కార్యాచరణ రూపొందించినట్లు ఉన్నతాధికారులు స్పష్టం చేశారు.

ట్రంప్ పర్యటన షెడ్యూల్ మరియు కీలక భేటీలు

సోమవారం సాయంత్రం వాషింగ్టన్ నుంచి బయలుదేరనున్న డొనాల్డ్ ట్రంప్, మంగళవారం మధ్యాహ్నానికి అంకారా చేరుకుంటారు. పర్యటనలో భాగంగా తొలుత టర్కీ అధ్యక్షుడు రెసెప్ తయ్యిప్ ఎర్డోగాన్‌తో ఆయన ద్వైపాక్షిక అంశాలపై చర్చలు జరుపుతారు. అనంతరం బుధవారం జరిగే ప్రధాన నాటో సదస్సులో పాల్గొంటారు. ఈ సందర్భంగా ఉక్రెయిన్ అధ్యక్షుడు వొలొదిమిర్ జెలెన్‌స్కీతో పాటు సిరియా అధ్యక్షుడు అహ్మద్ అల్-షారాలతో కూడా ట్రంప్ విడివిడిగా ప్రత్యేక సమావేశాలు నిర్వహించనున్నారు.

Donald Trump: అమెరికా రాయబారి కీలక వ్యాఖ్యలు:

ఈ ప్రతిష్టాత్మక సదస్సుపై నాటోలో అమెరికా రాయబారి మాథ్యూ జి. విటేకర్ స్పందిస్తూ.. గతంలో హేగ్ వేదికగా జరిగిన సదస్సు తీర్మానాల పురోగతిని ఈ భేటీలో సమీక్షిస్తామని వెల్లడించారు. ప్రస్తుత ప్రపంచ భద్రతా పరిణామాలను దృష్టిలో ఉంచుకుని, మిత్రదేశాలన్నీ తమ రక్షణ బడ్జెట్‌ను వీలైనంత త్వరగా 5 శాతానికి పెంచుకోవాలని ట్రంప్ ఆశిస్తున్నట్లు ఆయన పేర్కొన్నారు.

ఇప్పటికే నాటో మిత్రదేశాలు అదనంగా 139 బిలియన్ డాలర్ల రక్షణ వ్యయానికి అంగీకరించాయని, ఇందులో సగానికి పైగా నిధులు అమెరికా నుంచి ఆయుధాల కొనుగోలుకే ఖర్చు చేస్తున్నట్లు విటేకర్ గుర్తుచేశారు. పోలాండ్, బాల్టిక్, నార్డిక్ దేశాలు ఈ విషయంలో ముందుండగా.. జర్మనీ 2029 నాటికి నిర్దేశిత లక్ష్యానికి చేరుకునేలా అడుగులు వేస్తోందన్నారు. రక్షణ భారాన్ని కేవలం అమెరికాపైనే నెట్టకుండా, అన్ని దేశాలూ సమానంగా పంచుకోవాల్సిన అవసరం ఉందన్నారు.

స్వయం సమృద్ధి దిశగా నాటో

వైట్‌హౌస్ డిప్యూటీ ప్రెస్ సెక్రటరీ అన్నా కెల్లీ మాట్లాడుతూ.. ట్రంప్ నాయకత్వంలో నాటో ముఖచిత్రం మారుతోందని వ్యాఖ్యానించారు. అమెరికాపై మితిమీరిన ఆధారపడే ధోరణి స్వస్తి పలికి.. తమ రక్షణ బాధ్యతలను తామే మోసేలా సభ్య దేశాలను స్వయం సమృద్ధి (Self-reliant) వైపు నడిపించడమే ఈ వ్యూహం యొక్క ముఖ్య ఉద్దేశమని ఆమె వివరించారు.

Epaper: epaper.vaartha.com

అమెరికా 250వ స్వాతంత్య్ర దినోత్సవం.. ట్రంప్‌కు ప్రధాని మోదీ అభినందనలు