ఈ వేడుకలో భాగంగా విద్యార్థులకు పట్టాలు ప్రదానం చేయడంతో పాటు ప్రతిభ కనబరిచిన వారికి స్వర్ణ పతకాలను అందజేయనున్నారు. రాష్ట్రపతి రాక సందర్భంగా జంతలూరు ప్రాంగణంలో ప్రత్యేక ఏర్పాట్లు పూర్తి చేశారు. ఉన్నత విద్యా రంగంలో యూనివర్సిటీ సాధించిన ప్రగతిని ఈ కార్యక్రమం ప్రతిబింబించనుంది.

Read also: Nallamala Forest Restrictions: శ్రీశైలం భక్తులకు అలర్ట్.. నల్లమలలో 3 నెలలు నో ఎంట్రీ

President Draupadi Murmu visit

భద్రతా ఏర్పాట్లపై ప్రత్యేక దృష్టి

రాష్ట్రపతి పర్యటన నేపథ్యంలో అధికారులు అత్యంత కట్టుదిట్టమైన భద్రతను ఏర్పాటు చేశారు. జిల్లా కలెక్టర్, ఎస్పీలు స్వయంగా పర్యవేక్షిస్తూ వందలాది మంది పోలీసులతో బందోబస్తు నిర్వహిస్తున్నారు. యూనివర్సిటీ ప్రాంగణం, హెలిప్యాడ్ మరియు కాన్వాయ్ వెళ్లే మార్గాల్లో ఎస్పీజీ భద్రతా బలగాలతో తనిఖీలు చేపట్టారు. ఎటువంటి అవాంఛనీయ సంఘటనలు జరగకుండా మల్టీ లేయర్ భద్రతా వ్యవస్థను అమలు చేస్తున్నారు. ట్రాఫిక్ ఆంక్షలతో పాటు అత్యవసర సేవల కోసం ప్రత్యేక బృందాలను సిద్ధంగా ఉంచారు.

Droupadi Murmu visit Anantapur:యూనివర్సిటీలో ఘనంగా స్నాతకోత్సవం

ఈ స్నాతకోత్సవానికి గవర్నర్ ఎస్. అబ్దుల్ నజీర్, రాష్ట్ర మంత్రులు మరియు పలువురు ప్రముఖులు హాజరుకానున్నారు. 2020 నుంచి 2026 విద్యా సంవత్సరాల మధ్య ఉత్తీర్ణులైన సుమారు 1,268 మంది విద్యార్థులకు రాష్ట్రపతి చేతుల మీదుగా డిగ్రీ పట్టాలు అందనున్నాయి. సుమారు 56 మంది విద్యార్థులకు బంగారు పతకాలను ప్రదానం చేయనున్నారు. ఏపీ సెంట్రల్ యూనివర్సిటీ ప్రతిష్టాత్మక తొలి స్నాతకోత్సవం కావడంతో విద్యార్థులు, అధ్యాపకులు ఎంతో ఉత్సాహంగా వేడుకలకు సిద్ధమయ్యారు.

Epaper: epaper.vaartha.com

గుడ్ న్యూస్.. డీమ్డ్ వర్సిటీల్లో చేరే ఎస్సీ, ఎస్టీ విద్యార్థులకు ఇక ఫీజు రిటర్న్!