ఇందులో భాగంగా విశాఖపట్నంలో సుమారు రూ. 460 కోట్లకు పైగా వ్యయంతో ఏర్పాటు చేయనున్న ASIP సెమీకండక్టర్ ప్రాజెక్టుకు బీజం పడింది, ఇది రాష్ట్రానికి హైటెక్ సాంకేతిక పెట్టుబడులను ఆకర్షించడంలో కీలక పాత్ర పోషించనుంది. దీంతో పాటు కర్నూలు జిల్లాలో నిర్మించనున్న ‘రెన్యూవబుల్ ఎనర్జీ జోన్ ఫేజ్-1’ పనులకు శంకుస్థాపన చేయడంతో పాటు అనంతపురం, కర్నూలు జిల్లాల్లో భారీ సోలార్ మరియు విండ్ పవర్ ప్రాజెక్టులను ప్రారంభించారు. ఈ చర్యలు రాష్ట్రంలో క్లీన్ ఎనర్జీ ఉత్పత్తిని పెంచడమే కాకుండా, పారిశ్రామిక రంగానికి నిరంతర విద్యుత్ సరఫరాను సుగమం చేస్తాయి.

రవాణా వ్యవస్థలో విప్లవాత్మక మార్పులు - 4 లేన్ల రహదారులు, బైపాస్ ప్రాజెక్టులు

రాష్ట్రంలో మౌలిక సదుపాయాల కనెక్టివిటీని బలోపేతం చేసేందుకు కేంద్ర ప్రభుత్వం రహదారుల విస్తరణపై ప్రత్యేక దృష్టి సారించింది. జాతీయ రహదారి NH67లో తాడిపత్రి వద్ద రూ. 160 కోట్ల అంచనా వ్యయంతో నిర్మించే 4 లేన్ల బైపాస్ రోడ్డుతో పాటు NH365BG లో కీలకమైన 4 లేన్ల రహదారులను ప్రధాని మోదీ జాతికి అంకితం చేశారు. ఈ కనెక్టివిటీ ప్రాజెక్టుల వల్ల సరుకు రవాణా వేగవంతమవ్వడమే కాకుండా, ప్రయాణ సమయం గణనీయంగా తగ్గుతుంది. భోగాపురం అంతర్జాతీయ విమానాశ్రయంతో పాటు ఈ రహదారి, ఇంధన మరియు సాంకేతిక ప్రాజెక్టులు ఒకేసారి అందుబాటులోకి రావడం వల్ల రాయలసీమ మరియు కోస్తాంధ్ర ప్రాంతాల ఆర్థిక ముఖచిత్రం పూర్తిగా మారనుందని నిపుణులు విశ్లేషిస్తున్నారు.

'భోగాపురం' ఎయిర్ పోర్ట్ ప్రత్యేకతలు..!