Telangana Weather:తెలంగాణలో ఆగస్టు 25వ తేదీన తేలికపాటి నుంచి భారీ వర్షాలు కురిసే అవకాశం ఉందని వాతావరణ శాఖ తెలిపింది. తెలంగాణలో భారీ వర్షాలు కురిసే అవకాశం ఉండటంతో ప్రజలు అప్రమత్తంగా ఉండాలని అధికారులు సూచిస్తున్నారు.
గత కొన్ని రోజులుగా వర్షాలు తగ్గినప్పటికీ నేడు మధ్యాహ్నం తర్వాత వాతావరణం మారి వర్షాలు పడే సూచనలు స్పష్టంగా కనిపిస్తున్నాయి. ముఖ్యంగా రాత్రి వేళల్లో పలు జిల్లాలలో వర్షాల తీవ్రత ఎక్కువగా ఉండే అవకాశం ఉందని వాతావరణ శాఖ వెల్లడించింది.
Read also: Shiv Pratap Shukla: నేడు నిజామాబాద్ జిల్లాలో గవర్నర్ శివప్రతాప్ శుక్లా పర్యటన
Heavy rains again in Telangana
హైదరాబాద్ నగరంలో వర్ష సూచన
హైదరాబాద్ నగరంలో ఆకాశం మేఘావృతంగా ఉండి రానున్న గంటల్లో అక్కడక్కడా వర్షాలు కురిసే అవకాశం ఉంది. శేరిలింగంపల్లి, గచ్చిబౌలి, మాదాపూర్, కూకట్పల్లి, ఖైరతాబాద్ ప్రాంతాలలో మోస్తరు వర్షాలు పడవచ్చు. సికింద్రాబాద్, బేగంపేట, ఉప్పల్, ఎల్బీనగర్ ప్రాంతాల ప్రజలు కూడా వర్షం పడే సమయంలో జాగ్రత్తగా ఉండాలి. రోడ్లపై నీరు నిలిచే అవకాశం ఉన్నందున వాహనదారులు ప్రయాణ సమయంలో అప్రమత్తంగా ఉండాలని ట్రాఫిక్ పోలీసులు హెచ్చరిస్తున్నారు.
Telangana Weather:పలు జిల్లాలకు భారీ వర్షాల అలర్ట్
సంగారెడ్డి, వికారాబాద్, మెదక్, కామారెడ్డి, నిర్మల్, నిజామాబాద్, ఆదిలాబాద్, రంగారెడ్డి జిల్లాలలో భారీ వర్షాలు కురిసే అవకాశం ఉంది. మెదక్ జిల్లాలో నిన్న అత్యధిక వర్షపాతం నమోదుకాగా నేడు కూడా అదే వాతావరణం కొనసాగవచ్చు. మహబూబ్నగర్, సిద్దిపేట, వరంగల్, ఖమ్మం జిల్లాలలో కూడా మోస్తరు వర్షాలు పడే సూచనలు ఉన్నాయి. రాష్ట్రంలో సీజన్ లోటును పూడ్చేలా ఈ వర్షాలు సహాయపడతాయని రైతులు ఆశాభావం వ్యక్తం చేస్తున్నారు.
Epaper: epaper.vaartha.com
ఇందిరమ్మ ఇళ్ల లబ్ధిదారుల జాబితా విడుదల: ఆన్లైన్లో స్టేటస్ చెక్ చేసుకోండి!