సినిమా రంగంలో తనకంటూ ప్రత్యేక గుర్తింపు తెచ్చుకోవడంతో పాటు, రాజకీయాల్లో చెరగని ముద్ర వేసిన ఆయన ప్రస్థానాన్ని అభిమానులు ఘనంగా గుర్తుచేసుకుంటున్నారు.

వెండితెరపై పవర్ స్టార్ ప్రస్థానం – అప్రతిహత విజయాలు

1971 సెప్టెంబర్ 2న జన్మించిన పవన్ కల్యాణ్, 1996లో విడుదలైన ‘అక్కడ అమ్మాయి ఇక్కడ అబ్బాయి’ సినిమాతో నటుడిగా సినీ రంగ ప్రవేశం చేశారు. ఆ తర్వాత ‘తొలిప్రేమ’, ‘తమ్ముడు’, ‘బద్రి’, ‘ఖుషి’ వంటి చిత్రాలతో టాలీవుడ్‌లో యూత్ ఐకాన్‌గా ఎదిగారు. కెరీర్‌లో అనేక ఆటుపోట్లు ఎదుర్కొన్నప్పటికీ, బాక్సాఫీస్ వద్ద సంచలనాలు సృష్టించిన ‘గబ్బర్‌సింగ్’, ‘అత్తారింటికి దారేది’ వంటి బ్లాక్‌బస్టర్‌ సినిమాలతో టాలీవుడ్‌లో తిరుగులేని ప్రత్యేక అభిమాన వర్గాన్ని సొంతం చేసుకున్నారు.

Pawan Kalyan: జనసేన స్థాపన నుంచి ఏపీ డిప్యూటీ సీఎంగా ఎదిగిన వైనం

సినిమాల ద్వారానే కాకుండా ప్రజా సేవ చేయాలనే తపనతో పవన్ కల్యాణ్ 2014 మార్చిలో ‘జనసేన పార్టీ’ని స్థాపించి రాజకీయ అరంగేట్రం చేశారు. 2019 ఎన్నికల్లో పార్టీ ఎదురుదెబ్బలు తిన్నప్పటికీ ఏమాత్రం నిరాశ చెందకుండా ప్రజా సమస్యలపై నిరంతరం పోరాడారు. పట్టుదలతో ముందుకు సాగిన ఆయన, 2024 సార్వత్రిక ఎన్నికల్లో పిఠాపురం అసెంబ్లీ స్థానం నుంచి ఘన విజయం సాధించడమే కాక, జనసేన పార్టీని ఏకంగా 21 అసెంబ్లీ స్థానాల్లో గెలిపించి కూటమి ప్రభుత్వంలో కీలకమైన ఏపీ ఉప ముఖ్యమంత్రిగా బాధ్యతలు చేపట్టారు.

ప్రతిచోట పోటీ చేయాల్సిందే అంటున్న జగన్