వీటి ప్రభావంతో రాష్ట్రవ్యాప్తంగా మంగళవారం (ఆగస్టు 25) వరకు పలు ప్రాంతాల్లో ఉరుములు, మెరుపులు, ఈదురుగాలులతో కూడిన భారీ వర్షాలు . భారత వాతావరణ విభాగం (IMD) హైదరాబాద్ కేంద్రం హెచ్చరించింది. ఈ మేరకు రాష్ట్రంలోని పలు జిల్లాలకు వాతావరణ శాఖ ‘ఎల్లో అలర్ట్’ (Yellow Alert) జారీ చేసింది.

హైదరాబాద్ నగరంలో మోస్తరు నుంచి భారీ జల్లులు

రాజధాని హైదరాబాద్ నగరంలోనూ ఆగస్టు 25 వరకు ఆకాశం మేఘావృతమై ఉంటుందని, నగరంలోని వివిధ ప్రాంతాల్లో తేలికపాటి నుంచి మోస్తరు వర్షాలు లేదా ఉరుములతో కూడిన జల్లులు పడే సూచనలు ఉన్నాయని అధికారులు తెలిపారు. శనివారం నగరంలో కురిసిన వర్షానికి అత్యధికంగా షేక్‌పేట ప్రాంతంలో 43.5 మిల్లీమీటర్ల వర్షపాతం నమోదైంది. పలుచోట్ల లోతట్టు ప్రాంతాలు జలమయం కావడంతో ట్రాఫిక్ పోలీసులు, జీహెచ్‌ఎంసీ సిబ్బంది అప్రమత్తమయ్యారు.

Telangana Weather Heavy Rains: కుమురం భీం జిల్లాలో అత్యధిక వర్షపాతం - ప్రజలకు అప్రమత్తత సూచన

తెలంగాణ డెవలప్‌మెంట్ ప్లానింగ్ సొసైటీ (TGDPS) వెల్లడించిన అధికారిక గణాంకాల ప్రకారం.. రాష్ట్రంలో నిన్న అత్యధికంగా కుమురం భీం ఆసిఫాబాద్ జిల్లాలో 66 మిల్లీమీటర్ల భారీ వర్షపాతం రికార్డయ్యింది. ఉత్తర, తూర్పు తెలంగాణ జిల్లాల్లోనూ వర్షాల తీవ్రత ఎక్కువగా ఉండే అవకాశం ఉందని అధికారులు అంచనా వేస్తున్నారు. రాబోయే రెండు మూడు రోజుల పాటు భారీ వర్ష సూచన ఉన్నందున లోతట్టు ప్రాంతాల ప్రజలు, రైతులు, వాహనదారులు అప్రమత్తంగా ఉండాలని, ప్రయాణాలు పెట్టుకునేవారు వాతావరణ పరిస్థితులకు అనుగుణంగా ప్రణాళికలు రూపొందించుకోవాలని విపత్తు నిర్వహణ శాఖ సూచించింది

తెలంగాణ లో ఈరోజు భారీ నుంచి అతిభారీ వర్షాలు!