సుమారు పదేళ్ల పాటు సాగిన విస్తృత పరిశోధన, అభివృద్ధి (R&D) తర్వాత ఈ ప్రతిష్ఠాత్మక పరికరాన్ని నేడు మార్కెట్లోకి ఆవిష్కరించనుంది. ఐఫోన్ చరిత్రలో దాదాపు రెండు దశాబ్దాల తర్వాత చోటుచేసుకుంటున్న అతిపెద్ద డిజైన్ మార్పు ఇదే కావడంతో గ్లోబల్ టెక్ మార్కెట్‌లో విపరీతమైన ఆసక్తి నెలకొంది.

శామ్‌సంగ్ తన మొదటి గెలాక్సీ ఫోల్డ్‌ను 2019లో విడుదల చేయడానికి చాలా ఏళ్ల ముందే యాపిల్ ఇంజినీరింగ్ బృందాలు ఫోల్డబుల్ డిస్‌ప్లేలపై పరిశోధనలు ప్రారంభించాయి. అయితే 2020లో అప్పటి సీఈఓ టిమ్ కుక్, ఆసియా మార్కెట్‌లో శామ్‌సంగ్ , హువావే వంటి కంపెనీల ఫోల్డబుల్ ఫోన్లకు పెరుగుతున్న ఆదరణను గమనించి ఈ ప్రాజెక్ట్‌ను వేగవంతం చేశారు. అంతర్గతంగా 'వీ68' (V68) అని, అభివృద్ధి దశలో 'ఐఫోన్ అల్ట్రా' అని పిలుచుకున్న ఈ ప్రాజెక్ట్ ద్వారా ఫ్లెక్సిబుల్ డిస్‌ప్లే ఐఫోన్‌పై పూర్తి దృష్టి సారించారు.

Read Also : AI Investments India : భారతీయ సంస్థల్లో ఏఐ పెట్టుబడుల జోరు

Apple Foldable iPhone Launch Today

Apple Foldable iPhone: సాంకేతిక సవాళ్లు, డిజైన్ ప్రత్యేకతలు

ఈ ఫోల్డబుల్ ఐఫోన్‌ను రూపొందించడంలో యాపిల్ పలు సాంకేతిక సవాళ్లను అధిగమించింది. స్క్రీన్ మధ్యలో కనిపించే మడత (Crease)ను తగ్గించడం, హింజ్ (Hinge) మన్నికను పెంచడం, కార్నింగ్ భాగస్వామ్యంతో ఫ్లెక్సిబుల్ కవర్ గ్లాస్‌ను అభివృద్ధి చేయడం ఇందులో ముఖ్యమైనవి. టైటానియం-అల్యూమినియం మిశ్రమంతో చేసిన హింజ్‌తో పాటు ఇతర ఆండ్రాయిడ్ ఫోల్డబుల్స్ కన్నా వెడల్పైన 7.8 అంగుళాల లోపలి డిస్‌ప్లే, కాంపాక్ట్‌గా ఉండే 5.5 అంగుళాల బయటి స్క్రీన్‌తో దీని తుది డిజైన్‌ను ఖరారు చేశారు.

ధర అంచనాలు మరియు సేల్స్ అంచనా

ప్రస్తుతం మార్కెట్‌లో ఉన్న శామ్‌సంగ్, గూగుల్ ఫోల్డబుల్స్ 1,899 డాలర్ల ధరతో లభిస్తుండగా, యాపిల్ ఫోల్డబుల్ ఐఫోన్ ప్రారంభ ధర 1,999 డాలర్ల నుంచి 2,199 డాలర్లు (దాదాపు రూ. 1.89 లక్షలు) వరకు ఉండే అవకాశం ఉంది. అధిక స్టోరేజ్ వేరియంట్ల ధర 3,000 డాలర్ల వరకు చేరవచ్చని సమాచారం. యాపిల్ కొత్త సీఈఓ జాన్ టెర్నస్ సారథ్యంలో రాబోతున్న ఈ ఫోన్‌కు మార్కెట్‌లో భారీ డిమాండ్ ఉంటుందని, తొలి సంవత్సరంలోనే 70 లక్షల నుంచి కోటి యూనిట్ల వరకు అమ్ముడవుతాయని విశ్లేషకులు భావిస్తున్నారు.

6G సాంకేతికతలో భారత్ సంచలన అడుగు: గ్లోబల్ కూటమిలో చేరిక