థియేటర్లలో విడుదలైన నెల రోజుల్లోపే ఈ చిత్రం ప్రముఖ ఓటీటీ దిగ్గజం నెట్‌ఫ్లిక్స్ (Netflix) ద్వారా ప్రేక్షకుల ముందుకు రానుంది. జులై 9 నుంచి ఈ సినిమా స్ట్రీమింగ్ కానున్నట్లు సినీ వర్గాల సమాచారం.

విమర్శకుల ప్రశంసలు పొందిన వినూత్న కథ:

జూన్ ప్రథమార్ధంలో తెలుగు, తమిళ భాషల్లో విడుదలైన ఈ సినిమా, తన సరికొత్త కాన్సెప్ట్‌తో సినీ విమర్శకుల నుంచి ప్రశంసలు అందుకుంది. అయాన్, అహల్య, షాలిని ముఖ్య పాత్రలు పోషించిన ఈ చిత్రాన్ని వైజయంతీ మూవీస్ పతాకంపై స్టార్ డైరెక్టర్ నాగ్ అశ్విన్ ఎంతో ప్రతిష్టాత్మకంగా నిర్మించారు. రాక్‌స్టార్ దేవి శ్రీ ప్రసాద్ స్వరాలు అందించిన ఈ సినిమాలో విజయ్ దేవరకొండ, కేవీ అనుదీప్, రాహుల్ రవీంద్రన్, నివేదా పేతురాజ్ వంటి ప్రముఖులు అతిథి పాత్రల్లో మెరిసి ప్రేక్షకులను సర్ప్రైజ్ చేశారు.

Sing Geetham: సినిమా కథాంశం ఏమిటంటే?

తండ్రికి సంబంధించిన ఆస్తుల వ్యవహారంలో కథానాయకుడు ‘కుబేరపురం’ అనే ఒక మైనింగ్ ప్రాంతానికి వెళ్తాడు. అయితే, అక్కడ మనుషులు మాట్లాడే మాటలన్నీ పాటలుగా మారిపోయే ఒక వింతైన శాపం ఉందనే విషయం అతనికి తెలుస్తుంది. ఆ విచిత్ర పరిస్థితుల నేపథ్యంలో సాగే కథే ఈ చిత్ర ఇతివృత్తం. సంగీతం, ఫాంటసీ ఎలిమెంట్స్ కలయికతో సింగీతం మార్క్ అద్భుతంగా కుదిరిందని టాక్ వచ్చింది.

నాలుగు భాషల్లో స్ట్రీమింగ్:

తెలుగు, తమిళంతో పాటు కన్నడ, మలయాళ భాషల్లోనూ ఈ సినిమాను నెట్‌ఫ్లిక్స్ అందుబాటులోకి తీసుకురానుంది. థియేటర్ వెర్షన్ కంటే ఓటీటీ వెర్షన్ కోసం క్లైమాక్స్ విజువల్స్ (VFX)ను మరింత రిచ్‌గా డిజైన్ చేశారని ఇండస్ట్రీ టాక్. దీనిపై త్వరలోనే నెట్‌ఫ్లిక్స్ నుంచి అధికారిక ప్రకటన వెలువడాల్సి ఉంది.

నార్నే నితిన్ కొత్త సినిమాప్రారంభం.. ఇద్దరు హీరోయిన్లతో సందడి