Rohini Karte: తెలుగు పంచాంగం ప్రకారం నేటి నుంచి రోహిణి కార్తె జాగ్రత్తలు తీసుకోవాల్సిన సమయం మొదలైంది. జూన్ 7 వరకు ఈ కార్తె ప్రభావం ఉంటుంది కాబట్టి ఎండలు అత్యంత తీవ్రంగా ఉంటాయి.

గరిష్ఠ ఉష్ణోగ్రతల వల్ల వడగాలులు, ఉక్కపోత పెరిగే అవకాశం ఉంది. కాబట్టి ఎండ వేడి నుంచి ఆరోగ్యాన్ని కాపాడుకోవడానికి ప్రతి ఒక్కరూ అప్రమత్తంగా ఉండటం ఎంతో అవసరం.

Read also: Jadcherla Heavy Rain:జడ్చర్ల లో గాలివాన బీభత్సం!

The Rohini Karthi has begun

ఎండలో బయటకు వెళ్లేటప్పుడు జాగ్రత్తలు

మధ్యాహ్నం 12 గంటల నుంచి సాయంత్రం 4 గంటల వరకు సూర్యరశ్మి ప్రభావం చాలా ఎక్కువగా ఉంటుంది. అత్యవసర పనులు ఉంటే తప్ప ఈ సమయంలో బయటకు వెళ్లడం మానేయాలి. ఒకవేళ తప్పనిసరి పరిస్థితుల్లో వెళ్లాల్సి వస్తే తప్పనిసరిగా గొడుగు, టోపీ వెంట ఉంచుకోవాలి. శరీరాన్ని పూర్తిగా కప్పేసే లేత రంగు కాటన్ దుస్తులు ధరించడం వల్ల ఎండ వేడి నుంచి ఉపశమనం పొందవచ్చు.

Rohini Karte: ఆరోగ్యంగా ఉండటానికి తీసుకోవాల్సిన ఆహారం

ఎండల వల్ల శరీరంలో నీటి శాతం తగ్గి డీహైడ్రేషన్ బారిన పడే ప్రమాదం ఉంది. దాహం వేయకపోయినా నిర్ణీత సమయాల్లో మంచినీళ్లు, మజ్జిగ, కొబ్బరి నీళ్లు, నిమ్మరసం తాగడం అలవాటు చేసుకోవాలి. ఓఆర్ఎస్ ద్రావణాలు తీసుకోవడం వల్ల శరీరం శక్తిని కోల్పోకుండా ఉంటుంది. అలాగే పుచ్చకాయ, దోసకాయ వంటి నీటి శాతం ఎక్కువగా ఉన్న పండ్లను ఆహారంలో చేర్చుకోవడం వల్ల శరీరం చల్లగా ఉంటుంది.