ఈ ఏడాది ఖరీఫ్ సీజన్ లో 17 శాతం వర్షపాతం లోటు నమోదైంది. వర్షాల మధ్య సుదీర్ఘ విరామం ఉండటంతో పంటలు కాపాడటం సాధ్యం కావడం లేదు. భూగర్భ జలాలు అడుగంటిపోవడంతో బోరుబావులు కూడా ఎండిపోతున్నాయి. తాజా సమాచారం ప్రకారం తెలంగాణలోని 18 జిల్లాల్లో పరిస్థితి అత్యంత దారుణంగా ఉంది. విపత్తు నిర్వహణ శాఖ, వ్యవసాయ శాఖల ప్రాథమిక అంచనా ప్రకారం 331 మండలాల్లో కరవు తాండవిస్తోంది. ముఖ్యంగా నల్గొండ, జోగులాంబ గద్వాల, వనపర్తి, మేడ్చల్ మల్కాజిగిరి, యాదాద్రి భువనగిరి, రంగారెడ్డి, సంగారెడ్డి, హైదరాబాద్, మహబూబ్‌నగర్ జిల్లాల్లో కరవు ఛాయలు తీవ్రంగా ఉన్నాయి. వాగుల్లో ఊట నీరు సైతం ఆవిరైపోతుండటంతో అన్నదాతలు తీవ్ర ఆందోళన చెందుతున్నారు.

EL nino impact: వరి, చెరకు, పత్తిపై ఎల్‌నినో దెబ్బ

Thousands of acres lying fallow due to a lack of water

21,500 చెరువుల్లో కేవలం 550 మాత్రమే మిగిలాయి.. భయపెడుతున్న లెక్కలు

రాష్ట్రంలో అధికారికంగా గుర్తించిన 21,500 సాగునీటి చెరువుల్లో ప్రస్తుతం కేవలం 550 చెరువులు మాత్రమే నిండుగా ఉన్నాయి. ఈ చెరువుల మొత్తం నీటి నిల్వ సామర్థ్యం 253.80 టీఎంసీలు కాగా, ప్రస్తుతం 93.51 టీఎంసీల నీరు మాత్రమే ఉంది. అంటే పూర్తి సామర్థ్యంలో ఇది కేవలం 36.8 శాతం మాత్రమే. ఇందులో 6,123 చెరువుల్లో చుక్క నీరు లేదు, 7,141 చెరువుల్లో 25 శాతం లోపు మాత్రమే నీరుంది. అలాగే 4,805 చెరువుల్లో 25 నుంచి 50 శాతం, 2,881 చెరువుల్లో 50 నుంచి 75 శాతం నీరుంది. మిగిలి ఉన్న నీరు కూడా ఆయకట్టుకు విడుదల చేసే కనీస మట్టం కంటే దిగువన ఉండటంతో వ్యవసాయానికి పనికిరాకుండా పోయింది. మహబూబ్‌నగర్‌లోని 331 చెరువుల్లో 8, గద్వాలలోని 105 చెరువుల్లో 3 మాత్రమే నిండాయి. మేడ్చల్‌లో 97 చెరువులకు 4, భూపాలపల్లిలో 367 చెరువులకు 4, వరంగల్ రూరల్‌లో 351 చెరువులకు 4, వరంగల్ అర్బన్‌లో 649 చెరువులకు 5, వనపర్తిలో 222 చెరువులకు 6, వికారాబాద్‌లో 310 చెరువులకు 6, ఆదిలాబాద్‌లో 275 చెరువులకు 7 మాత్రమే నిండాయి.

El nino impact:ముంచుకొస్తున్న కరవు ముప్పు.. అప్రమత్తం కాకపోతే అంతే సంగతులు

రాష్ట్రవ్యాప్తంగా వర్షభావ పరిస్థితుల వల్ల పంటలు బీళ్లుగా మారి రైతులు తీవ్రంగా నష్టపోతున్నారు. నీటి మట్టాలు పడిపోవడంతో కేవలం సాగునీటికే కాక రాబోయే రోజుల్లో తాగునీటి ఎద్దడి కూడా తలెత్తే ప్రమాదం కనిపిస్తోంది. ప్రభుత్వం క్షేత్రస్థాయిలో అంచనాలు వేస్తూ బాధితులను ఆదుకునేందుకు ప్రణాళికలు సిద్ధం చేస్తోంది. దక్షిణ తెలంగాణలో కరవు తీవ్రత ఉత్తర తెలంగాణ కంటే చాలా ఎక్కువగా నమోదైంది. ఈ తీవ్ర సంక్షోభాన్ని తట్టుకోవాలంటే ప్రతి ఒక్కరూ నీటిని పొదుపుగా వాడుకోవడం అత్యంత ఆవశ్యకం. చెరువుల్లో అందుబాటులో ఉన్న కొద్దిపాటి నీటిని వృథా కాకుండా కాపాడుకుంటేనే రాబోయే ఎండకాలంలో ముంచుకొచ్చే నీటి ఎద్దడిని అరికట్టడం సాధ్యమవుతుంది. ప్రభుత్వం ఇచ్చే రాయితీలు సహాయక చర్యలు రైతులకు కొంత ఊరటనిస్తాయని భావిస్తున్నారు. సమర్థవంతమైన ప్రణాళికతో ముందడుగు వేస్తేనే ఈ కరవు గండం నుంచి బయటపడవచ్చు.

Epaper: epaper.vaartha.com

చెన్నైలో భారీ వర్షాలు..రెడ్ అలర్ట్ జారీ చేసిన వాతావరణ శాఖ