ఈ నెల 14 నుంచి 17 వరకు సాగిన పర్యటనలో నిపుణులు ప్రాజెక్టులోని కీలక నిర్మాణ పనులను క్షేత్రస్థాయిలో పరిశీలించారు. ఎర్త్ కమ్ రాక్ ఫిల్ (ఈసీఆర్‌ఎఫ్‌) డ్యామ్‌తో పాటు గ్యాప్-1, గ్యాప్-2 నిర్మాణాల పురోగతిని సమీక్షించారు. నిర్మాణ పనుల్లో అనుసరిస్తున్న నాణ్యతా ప్రమాణాలపై సంతృప్తి వ్యక్తం చేసిన నిపుణులు.. వర్షాల ప్రభావం తక్కువగా ఉన్నందున పనుల వేగాన్ని మరింత పెంచాలని అధికారులకు సూచించారు.

AP Municipal Elections Nominations : ఏపీలో నామినేషన్లకు నేడే ఆఖరి రోజు

40 గంటల పాటు సాగిన పరిశీలన, సమీక్షలు

నాలుగు రోజుల పర్యటనలో అంతర్జాతీయ నిపుణులు మొత్తం 40 గంటల పాటు ప్రాజెక్టు పనులపై దృష్టి సారించారు. ఇందులో 13 గంటలు క్షేత్రస్థాయి పరిశీలనలకు కేటాయించగా, మరో 27 గంటల పాటు సమీక్షా సమావేశాలు నిర్వహించారు. ప్రాజెక్టులో కీలకమైన నిర్మాణ పనుల పురోగతి, సాంకేతిక అంశాలు, నాణ్యతా నియంత్రణ విధానాలను సమగ్రంగా పరిశీలించారు.

నిర్మాణ నాణ్యతపై సంతృప్తి

అంతర్జాతీయ నిపుణుల బృందంలో రిచర్డ్ డొనెల్లీ, గ్లాన్‌ఫ్రాంకో డి సిక్కో, సీన్ హించ్‌బెర్గర్, డేవిడ్ పాల్ తదితరులు పాల్గొన్నారు. పోలవరం ప్రాజెక్టు అథారిటీ (పీపీఏ) సీఈఓ సంజీవ్ వోహ్రా అధ్యక్షతన సమావేశాలు జరిగాయి. ప్రాజెక్టు ప్రాంతంలో ఏర్పాటు చేసిన నాణ్యతా నియంత్రణ పరీక్షా కేంద్రాలను నిపుణులు సందర్శించారు. అక్కడ నిర్వహిస్తున్న వివిధ పరీక్షల విధానాలను పరిశీలించి, నిర్మాణంలో అనుసరిస్తున్న సాంకేతిక పద్ధతులు, నాణ్యతా ప్రమాణాలపై సంతృప్తి వ్యక్తం చేసినట్లు సమాచారం.

పనుల వేగం పెంచాలి.. నాణ్యతలో రాజీ వద్దు

ప్రస్తుతం వర్షాల ప్రభావం తక్కువగా ఉండటంతో నిర్మాణ పనులను మరింత వేగవంతం చేయాలని నిపుణులు సూచించారు. అదే సమయంలో నాణ్యత విషయంలో ఎట్టి పరిస్థితుల్లోనూ రాజీ పడకూడదని స్పష్టం చేశారు. నిర్మాణ పనులకు సంబంధించిన ప్రతి నాణ్యతా పరీక్ష ఫలితాన్ని, ఇతర సాంకేతిక వివరాలను క్రమబద్ధంగా నమోదు చేసి భద్రపరచాలని అధికారులకు సూచించారు. ప్రాజెక్టు పనులను నిర్దేశిత లక్ష్యాలకు అనుగుణంగా ముందుకు తీసుకెళ్లేందుకు నిర్మాణ పురోగతిని నిరంతరం సమీక్షించడం అవసరమని నిపుణులు అభిప్రాయపడినట్లు సమాచారం.

Polavaram Project: వచ్చే ఏడాది మార్చిలో మరోసారి పర్యటన

పోలవరం ప్రాజెక్టు పనుల పురోగతిని పరిశీలించేందుకు అంతర్జాతీయ నిపుణుల బృందం వచ్చే ఏడాది మార్చిలో మరోసారి సందర్శించనుంది. గోదావరి పుష్కరాల నాటికి ప్రాజెక్టు పనులను పూర్తి చేయాలనే లక్ష్యంతో అధికారులు ముందుకు సాగుతున్నట్లు కథనంలో పేర్కొన్నారు. ఈ పర్యటనను పీపీఏ సీఈఓ సంజీవ్ వోహ్రా, రాష్ట్ర జలవనరుల శాఖ ఈఎన్‌సీ కె. నరసింహమూర్తి సమన్వయంతో నిర్వహించారు. పర్యటనలో పాల్గొన్న అంతర్జాతీయ నిపుణులు, కేంద్ర, రాష్ట్ర జలవనరుల శాఖ అధికారులను సత్కరించి జ్ఞాపికలు అందజేశారు. ఈ కార్యక్రమంలో పీపీఏ సభ్య కార్యదర్శి ఎం. రఘురాం, రాష్ట్ర జలవనరుల శాఖ సలహాదారు ఎం. వెంకటేశ్వరరావు, మేఘా ఇంజినీరింగ్ ప్రతినిధులు తదితరులు పాల్గొన్నారు.

Read hindi news : hindi.vaartha.com

Epaper : epaper.vaartha.com

పోలింగ్ కు 48 గంటల ముందే మద్యం షాపులు బంద్