ఏటా లక్షలాది మందికి ఉపాధి అవకాశాలు కల్పిస్తామని నమ్మబలికిన ప్రభుత్వం, నేడు కేవలం 150 డ్రైవర్ పోస్టుల కోసం వేలాది మంది నిరుద్యోగ యువకులు కిలోమీటర్ల మేర క్యూ లైన్లలో నిలబడేలా తీవ్ర దుస్థితికి దిగజార్చిందని మండిపడ్డారు. ఎన్నికల వేళ నిరుద్యోగులకు పెద్దపీట వేస్తామని చెప్పిన హామీలన్నీ ఇప్పుడు గాలికి వదిలేశారని, పాలకుల నిర్లక్ష్య వైఖరి వల్లే రాష్ట్రంలో నిరుద్యోగ నిరసనలు, ఆవేదనలు పెరిగిపోతున్నాయని ఆయన విమర్శించారు.

ఇంజినీరింగ్ యువతపై వ్యాఖ్యలు దురదృష్టకరం: రేవంత్ క్షమాపణలు చెప్పాలి

రాష్ట్ర యువత సాధికారతపై దృష్టి పెట్టాల్సిన బాధ్యత కలిగిన ముఖ్యమంత్రే స్వయంగా ఇంజినీరింగ్ పూర్తి చేసిన యువతను ‘క్రిమినల్ వేస్ట్’ అని సంబోధించడం ప్రభుత్వ వైఫల్యానికి స్పష్టమైన నిదర్శనమని హరీశ్ రావు ఆగ్రహం వ్యక్తం చేశారు. కష్టపడి చదువుకుని ఉపాధి కోసం ఎదురుచూస్తున్న చదువుకున్న యువతను అవమానించేలా మాట్లాడే హక్కు ముఖ్యమంత్రికి లేదని స్పష్టం చేశారు. “నిరుద్యోగులంటే కాంగ్రెస్ ప్రభుత్వానికి ఎందుకింత కక్ష?” అని నిలదీసిన ఆయన, తెలంగాణ ఉద్యోగార్థుల ఆత్మగౌరవాన్ని దెబ్బతీసేలా మాట్లాడినందుకు గానూ సీఎం రేవంత్ రెడ్డి వెంటనే నిరుద్యోగులందరికీ భేషరతుగా క్షమాపణలు చెప్పాలని తీవ్రంగా డిమాండ్ చేశారు.

చౌట్కూర్‌లో యథేచ్ఛగా నరికివేత