ఓటు హక్కును ప్రతి ఒక్కరూ వినియోగించుకోవాలని మోడీ, ఖర్గే పిలుపు

దేశంలోని రెండు కీలక రాష్ట్రాల్లో ఎన్నికల నగారా మోగింది. ప్రజాస్వామ్య వ్యవస్థలో అత్యంత కీలకమైన ఓటు హక్కును ప్రతి ఒక్కరూ బాధ్యతగా వినియోగించుకోవాలని దేశ అగ్రనేతలు ప్రజలను కోరుతున్నారు.

తమిళనాడులోని 234 స్థానాలకు మరియు బెంగాల్‌లోని మొదటి విడత 152 స్థానాలకు పోలింగ్ ప్రారంభమైన వేళ, ప్రధాని నరేంద్ర మోదీ సోషల్ మీడియా వేదికగా ప్రజలకు విజ్ఞప్తి చేశారు. మొదటిసారి ఓటు వేస్తున్న యువత ఉత్సాహంగా పాల్గొనాలని ఆయన కోరారు. ప్రజాస్వామ్య పండుగలో మహిళలు పెద్ద సంఖ్యలో తరలివచ్చి ఓటు వేయాలని పిలుపునిచ్చారు. గత ఎన్నికల కంటే ఈసారి రికార్డు స్థాయిలో ఓటింగ్ నమోదు కావాలని ఆకాంక్షించారు.

Assembly elections

Assembly elections: ప్రజాస్వామ్య స్ఫూర్తిని నిలబెట్టండి: మల్లికార్జున ఖర్గే

కాంగ్రెస్ జాతీయ అధ్యక్షుడు మల్లికార్జున ఖర్గే ఓటర్లను ఉద్దేశించి ఉద్వేగభరితమైన సందేశాన్ని ఇచ్చారు. రాజ్యాంగ పరిరక్షణే లక్ష్యంగా ఓటు వేయాలని ఆయన సూచించారు. నిరుత్సాహపరిచే శక్తులకు ఎదురుదెబ్బ, ఓటర్లను భయపెట్టే లేదా నిరుత్సాహపరిచే శక్తులకు లొంగిపోవద్దని, ఓటు ద్వారా మీ గళాన్ని బలంగా వినిపించాలని కోరారు. బాబాసాహెబ్ అంబేద్కర్ అందించిన రాజ్యాంగ విలువలను కాపాడేందుకు ఓటు ఒక ఆయుధమని ఖర్గే పేర్కొన్నారు.ఎటువంటి ఒత్తిళ్లకు తలొగ్గకుండా స్వేచ్ఛాయుత వాతావరణంలో ఓటు వేయాలని ప్రజలకు విజ్ఞప్తి చేశారు.