హిమాలయ పర్వతాల మధ్య ఉన్న గురేజ్ లోయ పాకిస్థాన్ ఆక్రమిత ప్రాంతానికి సమీపంలో ఉంటుంది. జిల్లా అధికారిక సమాచారం ప్రకారం గురేజ్ లోయ సముద్ర మట్టానికి సుమారు 2,400 మీటర్ల ఎత్తులో ఉంది.

పోలీసులు, స్థానిక ప్రజలు, విద్యార్థులు :

ఈ కార్యక్రమంలో భారత సైన్యంతో పాటు పోలీసులు, స్థానిక ప్రజలు, విద్యార్థులు పాల్గొన్నారు. జాతీయ జెండాను ఆవిష్కరించిన అనంతరం చిన్నారులు, స్థానికులు, భద్రతా సిబ్బంది కలిసి జాతీయ గీతాన్ని ఆలపించారు. దీంతో సరిహద్దు ప్రాంతం దేశభక్తి నినాదాలతో మార్మోగింది.

హర్ ఘర్ తిరంగా కార్యక్రమం, వందే మాతరం వేడుకల్లో భాగంగా నిర్వహించిన ఈ కార్యక్రమం ద్వారా సరిహద్దుల్లో నివసించే ప్రజల్లో జాతీయ భావనను మరింత బలోపేతం చేయాలనే సందేశాన్ని ఇచ్చారు. దేశానికి సరిహద్దుల్లో కాపలా కాస్తున్న సైనికులు, స్థానిక ప్రజలు కలిసి జాతీయ జెండాకు గౌరవం సమర్పించడం ప్రత్యేక ఆకర్షణగా నిలిచింది.

గురేజ్ లోయ బండిపోరా జిల్లాలోని మారుమూల, సుందరమైన ప్రాంతం. అక్కడి డావర్ ప్రధాన పట్టణంగా ఉంది. ఈ ప్రాంతం వ్యూహాత్మక ప్రాధాన్యంతో పాటు ప్రకృతి సౌందర్యానికి కూడా ప్రసిద్ధి చెందింది. స్వాతంత్ర్య దినోత్సవ వేళ ఎల్‌ఓసీకి సమీపంలో 120 అడుగుల ఎత్తైన తిరంగా ఎగరడం దేశ సార్వభౌమత్వం, ఐక్యత, సైనికుల త్యాగాలకు ప్రతీకగా నిలిచింది. సరిహద్దుల్లోనూ భారత జాతీయ జెండా గర్వంగా రెపరెపలాడటం దేశభక్తి స్ఫూర్తిని మరింత పెంచింది.

ఏపీలో మున్సిపల్ ఎన్నికలు.. మంత్రి నారాయణ కీలక ప్రకటన