Pakistani Spy Arrested : స్వాతంత్య్ర దినోత్సవ భద్రతా తనిఖీల వేళ పశ్చిమ బెంగాల్ పోలీస్ ప్రత్యేక టాస్క్ ఫోర్స్ (STF) అధికారులు కీలక గూఢచర్యం నెట్వర్క్ను ఛేదించారు.
పశ్చిమ బెంగాల్లోని హబ్రా ప్రాంతంలో రాణా రౌఫ్ (అలియాస్ వహాబ్) అనే పాకిస్థానీ జాతీయుడిని అరెస్ట్ చేశారు. ఇతడు భారతీయ రైల్వే, సైన్యం (Army), నౌకాదళానికి (Navy) సంబంధించిన కీలకమైన సున్నితమైన సమాచారాన్ని లీక్ చేసినట్లు అధికారుల విచారణలో తేలింది. నేపాల్ సరిహద్దు ద్వారా అక్రమ ప్రవేశం - నకిలీ గుర్తింపునిందితుడు రాణా రౌఫ్ నేపాల్ సరిహద్దు మార్గం ద్వారా అక్రమంగా భారతదేశంలోకి ప్రవేశించాడని దర్యాప్తు అధికారులు వెల్లడించారు. భారత్లో ఎక్కువ కాలం నివసించడానికి కోల్కతాలోని టాప్సియా ప్రాంతానికి చెందిన నకిలీ పత్రాలు, తప్పుడు చిరునామాను సృష్టించుకుని నివసిస్తున్నాడు. ఏదో పని మీద హబ్రాకు వెళ్లిన సమయంలో సమాచారం అందుకున్న ఎస్టీఎఫ్ బృందం అతడిని అదుపులోకి తీసుకుంది.
Read Also: America , Israel : కొత్త ఒడంబడికలతో మరిన్ని సంఘర్షణలు!
Pakistani Spy Arrested
రక్షణ రంగ సమాచారం సేకరణ - దర్యాప్తు కోణాలు
రాణా రౌఫ్ భారత్లోకి ప్రవేశించినప్పటి నుంచి ప్రధాన రక్షణ సంస్థలు, సైనిక మౌలిక వసతుల సమాచారాన్ని సేకరిస్తున్నాడు. భారతీయ సైన్యం, నావికాదళ కదలికలు, రైల్వే రవాణా వ్యవస్థల గురించిన సున్నితమైన విషయాలను సేకరించి సరిహద్దు అవతలకు చేరవేసినట్లు అనుమానిస్తున్నారు. అతడికి భారత్లో స్థానికంగా ఎవరైనా సహకరించారా? నేపాల్ సరిహద్దు దాటడంలో ఎవరి సహాయం అందింది? ఏ ఏ సంస్థలపై నిఘా పెట్టాలని అతడికి ఆదేశాలు వచ్చాయి? అనే కోణాల్లో ఎస్టీఎఫ్ బృందాలు దర్యాప్తు కొనసాగిస్తున్నాయి. స్వాతంత్య్ర దినోత్సవ వేడుకలు సమీపిస్తున్న తరుణంలో ఇలాంటి పాకిస్థానీ గూఢచారి పట్టుబడటం, మరోవైపు డ్రోన్ల ద్వారా ఆయుధాల అక్రమ రవాణా ముఠాలు వెలుగులోకి రావడంతో దేశవ్యాప్తంగా రక్షణ బలగాలు, రాష్ట్ర పోలీసులు నిఘాను తీవ్రతరం చేశారు.
Read hindi news : hindi.vaartha.com
Epaper : epaper.vaartha.com