టాస్ గెలిచి ముందుగా బ్యాటింగ్ చేసిన టీమిండియా.. నిర్ణీత 20 ఓవర్లలో 6 వికెట్లకు 211 పరుగుల భారీ స్కోరు నమోదు చేసింది. అనంతరం 212 పరుగుల లక్ష్యంతో బరిలోకి దిగిన పాకిస్థాన్.. భారత బౌలర్ల ధాటికి తడబడింది. నిర్ణీత 20 ఓవర్లలో 192 పరుగులకే పరిమితమై ఓటమి పాలైంది. దీంతో భారత్ ఆసియా క్రీడల క్రికెట్‌లో మరోసారి ఛాంపియన్‌గా నిలిచింది.

Read Also : Asian games cricket 2026: పాకిస్తాన్‌తో ఫైనల్‌.. అభిషేక్ శర్మ విధ్వంసం

India’s resounding victory over Pakistan… Gold medal secured.

Asian Games Cricket: అభిషేక్ శర్మ విధ్వంసం.. తిలక్ వర్మ మెరుపులు

భారత ఇన్నింగ్స్‌ను ఓపెనర్ అభిషేక్ శర్మ దంచుడుతో ప్రారంభించాడు. పాక్ బౌలర్లపై విరుచుకుపడుతూ కేవలం 20 బంతుల్లోనే అర్ధశతకం పూర్తి చేశాడు. దీంతో టీ20ల్లో పాకిస్థాన్‌పై అత్యంత వేగంగా హాఫ్ సెంచరీ చేసిన భారత బ్యాటర్‌గా కొత్త రికార్డు నెలకొల్పాడు. గతంలో 2025లో దుబాయ్‌ వేదికగా 24 బంతుల్లో తనే నెలకొల్పిన రికార్డును ఈ మ్యాచ్ ద్వారా ఆయనే తిరగరాయడం విశేషం. మొత్తం మీద అభిషేక్ 28 బంతుల్లో 3 ఫోర్లు, 7 సిక్సర్ల సాయంతో 61 పరుగులు చేశాడు. ఆ తర్వాత క్రీజులోకి వచ్చిన తిలక్ వర్మ కూడా తనదైన శైలిలో విరుచుకుపడి 21 బంతుల్లోనే అర్ధశతకం బాదాడు. ఆఖరి ఓవర్లలో శివమ్ దూబెతో కలిసి ఆరో వికెట్‌కు 62 పరుగుల కీలక భాగస్వామ్యం నెలకొల్పడంతో భారత్ 211 పరుగుల భారీ స్కోరు సాధించగలిగింది. తిలక్ వర్మ 51 పరుగులతో నాటౌట్‌గా నిలిచాడు.

హసన్ నవాజ్ ఒంటరి పోరాటం వృథా

212 పరుగుల కొండంత లక్ష్య ఛేదనలో పాకిస్థాన్ బ్యాటర్ హసన్ నవాజ్ అద్భుతమైన పోరాటం చేశాడు. ఓవైపు వికెట్లు పడుతున్నా భారత బౌలర్లను ధీటుగా ఎదుర్కొంటూ 51 బంతుల్లో 96 పరుగులతో అజేయంగా నిలిచాడు. అయితే ఆయనకు జట్టులోని ఇతర బ్యాటర్ల నుంచి తగిన సహకారం లభించలేదు. సైమ్ అయూబ్ (29) మినహా తక్కినవారందరూ విఫలమయ్యారు. భారత స్పిన్నర్లు వాషింగ్టన్ సుందర్, అక్షర్ పటేల్ చెరో రెండు వికెట్లు తీసి పాక్ పరుగుల వేగానికి అడ్డుకట్ట వేశారు. ఆఖరి ఓవర్లలో శివమ్ దూబె కూడా రెండు వికెట్లు పడగొట్టడంతో పాకిస్థాన్ 20 ఓవర్లలో 192 పరుగుల వద్దే నిలిచిపోయింది. దీంతో భారత్ 19 పరుగుల తేడాతో విజయం సాధించి స్వర్ణ పతకాన్ని నిలబెట్టుకుంది.

ఆసియా క్రీడల్లో భారత్ vs పాక్ పోరు