పాలనలో మేమే సీనియర్లు.. విజయ్‌పై ఉదయనిధి చమత్కారం!

Tamil Nadu Politics: తమిళనాడు అసెంబ్లీలో ఉదయనిధి స్టాలిన్ చేసిన వ్యాఖ్యలు ఇప్పుడు రాజకీయ వర్గాల్లో చర్చనీయాంశంగా మారాయి. తమిళగ వెట్రి కళగం (TVK) అధినేత సీఎం విజయ్ గురించి ప్రస్తావిస్తూ ఉదయనిధి ఆసక్తికర వ్యాఖ్యలు చేశారు.

తామిద్దరం చెన్నైలోని ప్రముఖ లోయోలా కాలేజీలోనే చదువుకున్నామని, ఆ రకంగా తాము కాలేజీ మిత్రులమని గుర్తు చేశారు. అయితే, విద్యార్థులుగా ఒకే చోట చదివినా, రాజకీయ పరిపాలన విషయానికి వస్తే మాత్రం డీఎంకే (DMK) ప్రభుత్వమే ‘సీనియర్ బ్యాచ్’ అని ఆయన నవ్వుతూ వ్యాఖ్యానించారు.

Udhayanidhi Stalin comments on CM Vijay

Tamil Nadu Politics: రాజకీయాల కంటే రాష్ట్ర ప్రయోజనాలే ముఖ్యం

విజయ్ కంటే పాలనా పరంగా తానే సీనియర్ అని ఉదయనిధి పేర్కొన్నారు. ప్రభుత్వ నిర్వహణలో తమకు ఉన్న అపారమైన అనుభవాన్ని పంచుకోవడానికి ఎప్పుడూ సిద్ధంగా ఉన్నామని ఆయన వెల్లడించారు. రాజకీయాలు ఎలా ఉన్నా, కొత్తగా ఏర్పడిన ప్రభుత్వం రాష్ట్ర ప్రయోజనాల కోసం పనిచేయాలని ఆయన ఆకాంక్షించారు. ప్రజా సమస్యల పరిష్కారంలో తమ సహకారం ఎప్పుడూ ఉంటుందని, అనుభవం కలిగిన పార్టీగా తాము ఇచ్చే సలహాలు ప్రభుత్వానికి ఉపయోగపడతాయని ఆయన వ్యాఖ్యానించారు.

తమిళనాడు రాష్ట్ర అభివృద్ధిని దృష్టిలో ఉంచుకుని తమ ప్రభుత్వం నిర్ణయాలు తీసుకుంటుందని ఉదయనిధి స్పష్టం చేశారు. “రాజకీయాల కంటే తమిళనాడు ప్రయోజనాలే మాకు ముఖ్యం” అని ఆయన పునరుద్ఘాటించారు. అధికార పక్షం, ప్రతిపక్షం అనే తేడా లేకుండా రాష్ట్ర ప్రగతి కోసం అందరూ కలిసి పనిచేయాలన్నదే తమ విధానమని ఆయన అసెంబ్లీ వేదికగా ప్రకటించారు.