Shivampet Polytechnic College: సంగారెడ్డి జిల్లా చౌటకూర్ మండలం శివంపేట ప్రభుత్వ పాలిటెక్నిక్ కళాశాలలో పాలిసెట్ (POLYCET 2026) ప్రవేశాలకు సంబంధించిన కౌన్సిలింగ్ ప్రక్రియ ప్రారంభం కానుంది.

అర్హులైన విద్యార్థుల ధృవ పత్రాల (సర్టిఫికెట్ల) పరిశీలన ఈ నెల మే 29వ తేదీ నుండి ప్రారంభం కానున్నట్లు కళాశాల ప్రిన్సిపాల్ జి. సూర్యనారాయణ వెల్లడించారు. ఈ మేరకు శనివారం ఆయన ఒక అధికారిక ప్రకటనను విడుదల చేస్తూ విద్యార్థులకు పలు కీలక సూచనలు చేశారు.

జూన్ 1వ తేదీ వరకు సర్టిఫికెట్ల పరిశీలన

శివంపేట పాలిటెక్నిక్ కళాశాల హెల్ప్ లైన్ కేంద్రంలో మే 29న ప్రారంభం కానున్న ఈ ధృవ పత్రాల పరిశీలన ప్రక్రియ జూన్ 1వ తేదీ వరకు నిరంతరాయంగా కొనసాగుతుందని ప్రిన్సిపాల్ తెలిపారు. పాలిసెట్-2026 ప్రవేశ పరీక్ష రాసి అర్హత సాధించిన (ర్యాంకు పొందిన) విద్యార్థులు ఈ అవకాశాన్ని సద్వినియోగం చేసుకోవాలని కోరారు.

Read Also :NEET UG 2026 Fee Refund: నీట్ ఫీజు రీఫండ్ ప్రక్రియ ప్రారంభం.. అప్లై చేయడానికి మే 27 ఆఖరి తేదీ!

మే 27 నుండి 31 వరకు స్లాట్ బుకింగ్

కౌన్సిలింగ్ హాజరుకావాలనుకునే విద్యార్థులు తప్పనిసరిగా ముందస్తుగా స్లాట్ బుకింగ్ చేసుకోవాల్సి ఉంటుంది. మే 27వ తేదీ నుండి మే 31వ తేదీ వరకు విద్యార్థులు మీ సేవ కేంద్రాలు, ఆన్‌లైన్ సెంటర్లు లేదా సొంత కంప్యూటర్ల ద్వారా ఆన్‌లైన్‌లో వెబ్‌సైట్ ఓపెన్ చేసి ఏదేని ఒక రోజును, సమయాన్ని స్లాట్ బుకింగ్ చేసుకోవాలని సూచించారు. స్లాట్ బుక్ చేసుకున్న విద్యార్థులు తమకు కేటాయించిన సమయానికి కంటే ఒక గంట ముందుగానే శివంపేట పాలిటెక్నిక్ కళాశాల ప్రాంగణానికి చేరుకోవాలని స్పష్టం చేశారు.

Shivampet Polytechnic College: హాజరుపరచాల్సిన ముఖ్యమైన ధృవ పత్రాలు

సర్టిఫికెట్ల పరిశీలనకు వచ్చే విద్యార్థులు ఒరిజినల్ పత్రాలతో పాటు తగినన్ని జిరాక్స్ సెట్లతో హాజరుకావాల్సి ఉంటుంది. తీసుకెళ్లాల్సిన పత్రాల వివరాలు: