న్యూఢిల్లీలోని రాష్ట్రపతి భవన్‌లో అత్యంత వైభవంగా జరిగిన రెండవ విడత పద్మ పురస్కారాల ప్రదానోత్సవంలో భారత రాష్ట్రపతి ద్రౌపదీ ముర్ము చేతులమీదుగా వీరిద్దరూ ఈ ప్రతిష్టాత్మక అవార్డును అందుకున్నారు. దశాబ్దాలుగా తమ విలక్షణమైన నటనతో, సామాజిక సేవా కార్యక్రమాలతో తెలుగు ప్రేక్షకుల హృదయాల్లో చెరపని ముద్ర వేసినందుకు గానూ కేంద్ర ప్రభుత్వం వీరిని ఈ గౌరవంతో సత్కరించింది. వీరితో పాటు బహుముఖ ప్రజ్ఞాశాలి, ప్రముఖ నటుడు ఆర్. మాధవన్‌కు కూడా కళారంగంలో చేసిన విశేష సేవలకు గుర్తింపుగా రాష్ట్రపతి పద్మశ్రీ పురస్కారాన్ని అందజేశారు. ఈ వేడుకతో తెలుగు సినిమా కీర్తి జాతీయ స్థాయిలో మరోసారి వెలిగింది.

రెండో విడతలో 65 మందికి పురస్కారాలు

కేంద్ర ప్రభుత్వం ప్రకటించిన పద్మ అవార్డుల పంపిణీ ప్రక్రియలో భాగంగా ఈ విడత కార్యక్రమానికి విశేష ప్రాధాన్యత దక్కింది. రాష్ట్రపతి ద్రౌపదీ ముర్ము మొదటి విడతలో ఇప్పటికే 66 మందికి ఈ పురస్కారాలను అందజేయగా, రెండవ విడతలో భాగంగా మరో 65 మంది సాధకులను పద్మ అవార్డులతో గౌరవించారు. ఈ విడత ప్రదానోత్సవంలో మొత్తం రెండు పద్మ విభూషణ్, ఏడు పద్మభూషణ్‌తో పాటు 56 పద్మశ్రీ పురస్కారాలను వివిధ రంగాల ప్రముఖులకు అందజేశారు. దేశ రక్షణ, శాస్త్ర సాంకేతిక, సామాజిక, కళారంగాల్లో విశేష కృషి చేసిన వారిని గుర్తించి ప్రదానం చేసిన ఈ అవార్డుల వేడుకలో.. సినిమా రంగానికి చెందిన నటులు ఒకే వేదికపై పద్మ పురస్కారాలు అందుకోవడం అభిమానులకు మరియు చలనచిత్ర వర్గాలకు ఎంతో గర్వకారణంగా నిలిచింది.

ఎనర్జిటిక్ హీరో 'రామ్' సరసన నివేదా పేతురాజ్