పంచాయతీరాజ్ శాఖలో పదోన్నతులు.. ఆరుగురు అధికారులకు ప్రమోషన్

Panchayat Raj Department: పంచాయతీరాజ్, గ్రామీణాభివృద్ధి శాఖలో ప్రమోషన్ల ప్రక్రియ కొనసాగుతోంది. మల్టీ జోన్-1 పరిధిలోని పంచాయతీ కార్యదర్శి గ్రేడ్1, సీనియర్ అసిస్టెంట్ కేటగిరీలకు చెందిన ఆరుగురు ఉద్యోగులకు మండల పంచాయతీ అధికారులుగా (ఎంపీవోలు) పదోన్నతి లభించింది.

కొత్త జోనల్ విధానం ప్రకారం 2019-20, 2020-21 ప్యానెల్ సంవత్సరాలకు సంబంధించి నిర్వహించిన రివ్యూ ఆధారంగా ఈ నియామకాలు జరిగాయి. గతంలో జరిగిన ఎంపీవో ప్రమోషన్లపై ఏర్పడిన సందేహాలు, కొత్త లోకల్ క్యాడర్ అంశాలపై అధ్యయనం చేసేందుకు ప్రభుత్వం అంతర్గత కమిటీని నియమించింది.

Six officers in the Panchayat Raj department promoted to MPOs

Panchayat Raj Department: డీపీసీ నివేదిక, నియామకాలు

ఈ కమిటీ సమర్పించిన రిపోర్టును పరిశీలించిన డిపార్ట్మెంటల్ ప్రమోషన్ కమిటీ (డీపీసీ) నిబంధనల ప్రకారం అర్హులైనవారికి ప్రమోషన్లు ఖరారు చేసింది. నిజామాబాద్ జిల్లాలో గ్రేడ్-1 పంచాయతీ సెక్రటరీగా కొనసాగుతున్న ఏ.గంగాధర్, రజినీకాంత్రెడ్డి, సయ్యద్ మగ్దమ్ అహ్మద్ను మెదక్ జిల్లాకు ఎంపీవోలుగా కేటాయించారు.

నిజామాబాద్ జిల్లాలో కొనసాగుతున్న పి.సాయిలును సిద్ధిపేట, సిద్ధిపేటలో గ్రేడ్-1 పంచాయతీ సెక్రటరీగా విధులు నిర్వర్తిస్తున్న మునీరుద్దీన్న మెదక్, వరంగల్ జిల్లాలో సీనియర్ అసిస్టెంట్గా పనిచేస్తున్న షాజహాన్ ను ములుగుకు కేటాయించారు. పదోన్నతి పొందిన అధికారులు 15 రోజుల్లోగా కొత్త జిల్లాలో విధుల్లో చేరాలని పంచాయతీరాజ్శాఖ ఆదేశించింది. ఈ నియామకాలను అడాక్ ప్రాతిపదికన చేపట్టారు. కోర్టు కేసులు లేదా ఇతర పాలనాపరమైన నిర్ణయాలకు లోబడి ఈ ప్రమోషన్లు ఉంటాయని పేర్కొంది.